Túrkistanda jergilikti polıtsııa qyzmetine jańa basshy taǵaıyndaldy
Aıta keteıik, Túrkistannyń týmasy Kenjebaı Jaqsylyqov eńbek jolyn týǵan jerinde 1994 jyly polıtsııa serjanty bolyp bastaǵan. Sodan beri ishki ister salasynda túrli laýazymdy qyzmetter atqarǵan. Al, sońǵy jyldary Kentaý jáne Túrkistan qalalaryndaǵy ІІB basshylarynyń orynbasary bolyp eńbek etti. Tanystyrý barysynda qala ákimi Álipbek Óserbaev polıtsııa basshynyń qyzmetin asqan jaýapkershilikpen atqaratynyna senim bildirdi. Sebebi, bıyl túrkistandyqtar úshin jaýapty jyl bolmaq. «Kezdesýler ortalyǵyna aınalatyn shaharda eń aldymen, tártip myqty bolýy kerek». Osylaı degen qala ákimi jańadan taǵaıyndalǵan basshyǵa artylar júktiń aýyr ekenin eskertti.
Eske salaıyq, qalada sońǵy eki aıda 454 qylmys tirkelgen. Ásirese, páter jáne mal urlyǵy órship tur. Sala mamandarynyń salǵyrttyǵynan qylmystyń ashylý deńgeıi 20 paıyzdy ǵana qurap otyr.
