Túrkistanda jergilikti ónimderdiń kórmesi ótti
TÚRKІSTAN. QazAqparat - Túrkistan oblysynda memleket tarapynan qoldaý alǵan taýar óndirýshi kásiporyndar jobalarynyń kórmesi ótti. Sharaǵa oblys ákiminiń orynbasary Erbol Tasjúrekov qatysyp, oblysta óndirilgen biregeı ónimdermen tanysty, dep habarlaıdy QazAqparat tilshisi.
Óńirdegi tutyný naryǵyn damytyp, olarǵa qoldaý kórsetý maqsatynda uıymdastyrylǵan kórmede halyq tutynatyn taýarlar tanystyryldy. 100-den astam kásiporyn qatysqan sharada oblys ákiminiń orynbasary Erbol Tasjúrekov jármeńkege qatysqan eń úzdik kásipkerlerdi oblys ákiminiń Alǵys hatymen marapattap, kasipkerlerdiń jumysyna tabystar tiledi.
Kórmege kelýshilerge azyq-túlik, ónerkásiptik taýarlardyń keń assortımenti usynylyp, ónerpazdar men anımatorlardyń qatysýymen kontserttik baǵdarlama uıymdastyryldy.
