Túrkistanda jer silkinisinen saqtanýǵa arnalǵan oqý-jattyǵý ótti

Stsenarıı boıynsha eń aldymen oblys ákimdigi ǵımaratynda habarlandyrý júıesi iske qosylyp, barlyq qyzmetkerler shuǵyl túrde qaýipsiz aımaqqa shyqty. Jer silkinisi oryn alǵan jaǵdaıda órt oqıǵasy, ǵımarattardyń qulaýynan shyǵý joldardy jabýlar oryn alýy, baspaldaqtardyń qıraýy bolýy múmkindigi aıtyldy. Tilsiz jaýmen kúreske 101– órt sóndirý qyzmeti men 112 qutqarý qyzmeti shaqyrtyldy.
Oqıǵa ornynda jedel shtab qurylyp, mamandar jaryq júıesin tolyǵymen sóndirdi. Ǵımarattyń barlyq sý júıelerin toqtatty. Joǵary qabatta órttiń ýshyǵýyna baılanysty birneshe azamat 4 qabattyń balkonyna jáne ǵımarattyń shatyryna shyǵyp, kómek surady. Barlyǵy qutqarylyp, zardap shekken azamattarǵa alǵashqy medıtsınalyq kómek kórsetildi.
Al «Shuǵyl qutqarý jasaǵy» kınologııalyq qyzmetimen birge ǵımarat ishinde qalyp qoıǵan nemese es-tússiz qalǵan azamattardy kómektesý maqsatynda ıtpen izdestirý júrgizdi. Oryn alǵan shartty órt sóndirildi. Seısmıkalyq jattyǵýǵa oblystyq Tótenshe jaǵdaılar departamentiniń 11 tehnıkasy men jeke quramynyń 30 qyzmetkeri tartyldy.