Túrkistanda jeke azamattarǵa berilgen jaıylymdyq jerler memleketke qaıtarylady

ShYMKENT. QazAqparat  - Túrkistan qalasyna qarasty  aýyldyq jerlerde  kezinde jekege satylyp ne bolmasa  uzaq merzimge jalǵa berilip ketken jaıylymdyq jerler memleket muqtajdyǵy úshin keri qaıtarylady. Bul týraly oblystyq Jer qatynastary basqarmasynyń basshysy Sozaqbaı Ábdiqulov  Túrkistanda ótken jıynda aıtty, dep habarlaıdy  QazAqparat tilshisi.

Jer máselesi talqylanǵan jıynǵa qala ákimi men sondaǵy jer bóliminiń mamandary,  jergilikti sharýalar qatysty. Jıynda sóz alǵan basqarma basshysynyń   jerleri keri qaıtarylatyn aýyl turǵyndary quralaqan qalmaıdy dep sendirdi. ıAǵnı, bul azamattarǵa  laıyqty qarjysy nemese  basqa jaqtan jer telimi beriledi. Sozaqbaı Ábdiqulov bul shara sońǵy ýaqytta daýǵa aınalǵan jaıylym máselesin oń sheshý úshin qolǵa alynǵanyn atap ótti. Ol sondaı-aq jınalǵandardy jerge qatysty zańdaǵy jańa ózgeristermen de tanystyrdy. Oǵan sáıkes, budan bylaı aýyl mańyndaǵy jaıylym jerler eshkimge jalǵa berilmeıdi. Memleket menshiginde bolyp, halyqtyń ortaq úlesine aınalady. Degenmen  bul jumystardyń naqty qashan bastalatyny belgisiz. Sebebi, qazir Úkimet onyń jobasyn naqtylaýda. Qolǵa alynǵan sharalar óz nátıjesin  berse, ár aýdannyń damý jaǵdaıy eskerilip, aýktsıon arqyly satylatyn jerlerdiń kólemi belgili bolmaq. 

Jıynda sondaı-aq Túrkistan qalasyndaǵy jer qatynastary bólimi tarapynan atqarylǵan jumystarǵa da taldaý jasaldy. Aldaǵy josparlar naqtylandy.