Túrkistanda jastar toıy Ánuranmen ashyldy
Túrkistan qalasynyń turǵyny Meıirjan men Aqbotanyń shańyraq kóterý toıy Respýblıka kúnimen qatar keldi. Ulttyq merekede jas otbasylardyń úılený toıyna kelgen qonaqtar erekshe jaıttyń kýási boldy. Toıdyń ashylý saltanattynda jınalǵan kópshilik qoldaryn júrek tustaryna qoıyp, Ánurandy oryndady. Jelide taraǵan vıdeodan qos juptyń artynda eki jigittiń memlekettik Týdy ustap turǵanyn kórýge bolady. Al, bıshi qyzdar men toı ıeleri kópshilikpen qosylyp, Ánurandy shyrqady. Odan soń, saltanatty túrdegi neke qııý rásimin jasaǵan.
Facebook paraqshasynda jarııalanǵan jazbaǵa oqyrmandar «Mássaǵan, keremet, erekshe eken», «Qandaı kúshti! Baqytty bolsyn!», «Osy toıǵa barǵym kelip ketti ǵoı» dep tańdanystaryn bildirip, qyzyǵýshylyq tanytqan. Sondaı-aq, jas jubaılarǵa baqyt tilep, alǵystaryn aıtqan.
Aıta keteıik, Meıirjan Saıfýllaev Túrkistan oblystyq Qoǵamdyq damý basqarmasy «Qoǵamdyq kelisim» KMM-niń qyzmet atqarady.
