Túrkistanda «Jastar - rýhanı jańǵyrýdyń jarshysy» atty jastar forýmy ótti
ShYMKENT. QazAqparat - Túrkistanda «Jastar - rýhanı jańǵyrýdyń jarshysy» atty jastar forýmy ótti. Elbasy tapsyrmalaryn júzege asyrýda mańyzdy sanalatyn sharada jastardyń bolashaqqa yqpaly keńinen aıtyldy, dep habarlaıdy QazAqparat tilshisi.
Alqaly jıynda sóz alǵandar jergilikti jastardyń múmkindikteri men belsendilikterin erekshe atap ótti. Bul rette qala basshysy Álipbek Óserbaev Memleket basshysynyń «Bolashaqqa baǵdar: rýhanı jańǵyrý» atty maqalasynda kórsetilgen tapsyrmalaryn júzege asyrýǵa jas tolqyn belsendi túrde atsalysýy kerektigin tilge tıek etti. Maqalaǵa saı rýhanı qundylyqtar men otbasy tárbıesi, salt-sanany jańǵyrtý jaqtary da jıynda keńinen sóz boldy. Jastar keri dinı aǵymdardyń jetegine ermeı, kertartpa, qarańǵy ádetterge ermegeni durys,- dedi Álipbek Óserbaev.
Shahar basshysynyń sózinshe, Túrkistanda 70 myńǵa jýyq jas bar. Olardyń ishinde 14 pen 29 jas aralyǵyndaǵylary qala turǵyndarynyń 30 paıyzyn quraıdy.
Sondaı-aq forýmda jastar uıymdarynyń ókilderi Memleket basshysy maqalasynyń mańyzdy baǵyttaryn talqylady. Jıyn sońynda óz bıigin baǵyndyryp, talaıǵa úlgi bolǵan birqatar jas qala bıliginiń qurmet-qoshemetine bólendi.
