Túrkistanda jastar qoǵam qaıratkerlerimen kezdesti
Túrkistan - jastardyń altyn ordasy. Munda jańa ıdeıalar men ıgi bastamalar az emes. Tipti ońtústik jastarynyń basym kópshiligi osynda bilim alyp, jumys istep jatyr.
Atalmysh sharaǵa Túrkistan oblystyq ardagerler keńesiniń tóraǵasy, «Qurmet», «Parasat» ordenderiniń ıegeri Jeńisbek Máýlenqulov, «Qurmet», «Parasat» ordenderiniń ıegeri, oblystyq Qoǵamdyq keńestiń tóraǵasy Sháripbek Jamalbekuly, «Qurmet» ordeniniń ıegeri, Túrkistan oblystyq máslıhatynyń depýtaty Ómirzaq Meldehanov jáne Túrkistan oblystyq qoǵamdyq damý basqarmasy basshysynyń orynbasary Sarıev Dáýren Nurlanuly qatysty.
Jıyn barysynda sóz bastaǵan Túrkistan oblystyq ardagerler keńesiniń tóraǵasy Jeńisbek Máýlenqulov QR Táýelsizdiginiń 30 jyldyq merekesimen quttyqtaı otyryp, jastardy Táýelsizdigimizdiń qadirin bilip, elimizdiń damýyna úles qosýǵa shaqyrdy. El táýelsizdiginiń tuǵyry bıik bolýyn sóz etip,búgingi jetistiktiń negizgi basty sebebi —egemendik ekenine erekshe toqtaldy. Bul rette ońtústik jastarynyń belsendiligi men 30 jyldyqqa qosar úles,salmaqtary ekshelip,bolashaqta atqarylar jumys barysy talqylandy.
Qonaqtar Jastar resýrstyq ortalyǵynyń jáne jas kásipkerlerdiń tól ónimderimen tanysyp, ortalyq janynan qurylǵan sýret úıirmesi kórmesin tamashalady. Ardagerler bolashaq jas kásipkerlerge aqyl-keńesterin berip, el táýelsizdigin qasterleýge shaqyryp, alǵystaryn arnady.
Kezdesýde qoǵam qaıratkerleri jastarǵa óz ómirleri men júrip ótken joldarynan estelikter aıta otyryp,, aqyl-keńesin aıtyp, aq batasyn berdi.
Іs-shara barysynda dástúrli ánder shyrqalyp, suraq-jaýap almasyp, usynystar aıtyldy.
