Túrkistanda jasóspirimniń isi «Vırtýaldy sot» jobasymen qaraldy
TÚRKІSTAN. QazAqparat - Túrkistan oblysyndaǵy kámeletke tolmaǵandardyń isteri jónindegi mamandandyrylǵan aýdanaralyq sotynda jasóspirimniń isi «Vırtýaldy sot» jobasymen qaraldy. Oqýshyǵa qatysty quqyq buzýshylyq týraly is óńirde alǵash ret pılottyq jobasy aıasynda beınebaılanys arqyly ótkizildi, dep habarlaıdy QazAqparat tilshisi.
Jasóspirimge QR Ákimshilik quqyq buzýshylyq týraly kodeksiniń 132-babynyń 1-bóligimen is qozǵalǵan bolatyn. Jas quqyq buzýshy sot otyrysyna Ordabasy aýdanynyń kámeletke tolmaǵandardyń isteri jónindegi ınspektory men óziniń smartfonyna ornatylǵan TrueConf qosymshasy arqyly tikeleı qosyldy.
Sot qyzmetkerleriniń aıtýynsha, ákimshilik materıal boıynsha Sot protsesterin «vırtýaldy» ótkizý sot tóreligin júzege asyrýdaǵy aýmaqtyq kedergilerdi joıyp, ýaqyt jáne materıaldyq resýrstardy únemdeıdi. Sot tóreligine barynsha obektıvti qaraýdy qamtamasyz etedi.
