Túrkistanda jasóspirimder arasyndaǵy sýıtsıd máselesi talqylandy
TÚRKІSTAN. QazAqparat – Túrkistan oblysynda kámeletke tolmaǵandar arasyndaǵy quqyq buzý men balalar sýıtsıdi máseleleri talqylandy. Óńirdiń prokýrorlary men bilim salasynyń ókilderi bas qosqan jıynǵa Q.A.ıAsaýı atyndaǵy Halyqaralyq qazaq-túrik ýnıversıtetiniń prezıdenti B.Abdrasılov pen professorlyq-oqytýshy quramy, polıtsııa departamenti men qoǵamdyq damý basqarmasynyń basshylary jáne úkimettik emes uıymdardyń ókilderi qatysty, dep habarlaıdy QazAqparat tilshisi.
Aıta keteıik, jýyrda ǵana Túrkistan oblysynyń prokýratýrasy men Q.A.ıAsaýı atyndaǵy Halyqaralyq qazaq-túrik ýnıversıteti arasynda yntymaqtastyq týraly memorandým jasalǵan bolatyn. Osy kelisim negizinde uıymdastyrylǵan kezdesýde qatysýshylar óńirdegi ózekti máseleler men áleýmettik mańyzy bar quqyqbuzýshylyqtardy sóz etti.
Atap aıtqanda, jasóspirimder arasyndaǵy quqyq buzýshylyqtar men sýıtsıd, alımentter, alaıaqtyq jáne basqa da máseleler talqylandy.
Oblys prokýratýrasynyń arnaıy top jetekshisi A.Naqypbekov bul qylmystardyń aldyn alý sharalary týraly aıtyp ótti. Onyń sózinshe, búgingi tańda prokýratýranyń bastamasymen polıtsııa departamentinde mamandandyrylǵan tergeý toby jumys isteıdi. Al, oblys prokýratýrasynda osy baǵyttaǵy memlekettik organdardyń jumysyn úılestiretin arnaıy top qurylǵan. Qazir osy baǵytta birlesken is-sharalar jospary ázirlenip, júzege asyrylýda.
Atqarylǵan jumystar osy saladaǵy jaǵdaıdyń jaqsarýyna oń áser tıgizgen. Bıylǵy 9 aıda kámeletke tolmaǵandar jasaǵan qylmys sany 5,8%-ǵa, al olarǵa qarsy qylmystar 9,2%-ǵa tómendegen.
Kezdesý sońynda oblys prokýrory birlesken is-sharalar josparyn oryndaýǵa jaýapkershilikpen qarap, belsendi azamattyq ustanym kórsetýge shaqyrdy.
