Túrkistanda jasóspirimder arasyndaǵy sambodan elimizdiń ashyq birinshiligi ótti
ShYMKENT. QazAqparat - Túrkistanda jasóspirimder arasynda sambodan Qazaqstan Respýblıkasynyń ashyq týrnıri uıymdastyryldy. Dúbirli dodaǵa elimizdiń barlyq oblysynan 2001-2002 jylǵy týǵan 308 jas balýan qatysty, dep habarlaıdy QazAqparat HAA tilshisi.
Jarysta oblystyń barlyq aýdany men Astana, Almaty qalalarynan kelgen 17-18 jastaǵy jasóspirimder synǵa tústi. Eki kúnge sozylǵan baıraqty báseke tartysty órbidi. Halyqaralyq sambo erejesine saı bozkilemdegi beldesýler 3 kilemde ótti. Balýandar 10 salmaq dárejesinde saıysyp, kil myqtylar anyqtaldy. Endi jeńimpazdar men júldegerler ulttyq qurama sapyna alynyp, alda Máskeýde ótetin halyqaralyq chempıonatta da el namysyn qorǵaıtyn bolady.
