Túrkistanda jańadan sý qoımasy salyndy
ShYMKENT. QazAqparat - Túrkistan qalasyna qarasty Úshqaıyq eldi mekeninde jańadan «Qarashyq» shaǵyn sý qoımasy salyndy. Endi osy sý qoımasy arqyly 350 gektardaı jerge sý jetkizilip, úsh eldi meken turǵyndary egistigin sýǵara alady, dep habarlaıdy QazAqparat tilshisi.
Jalpy qory 2 mln tekshe metr sýdy saqtaýǵa qaýqarly qoımanyń ashylý saltanatyna qatysqan oblys ákimi Janseıit Túımebaev óńirde mundaı nysandardyń sany bolashaqta artatynyn jetkizdi
«Ońtústik Qazaqstan oblysynda keleshekte 30-ǵa jýyq sý qoımanyń qurylysy bastalady. Nátıjesinde sýdy tıimdi paıdalanyp, ony saqtap sýarmaly jerlerge jumsaýǵa bolady. Osylaısha oblysta egistiktiń kólemi artyp, jergilikti jurtty jumyspen qamtýǵa múmkindik týady. Eń bastysy aýyl sharýashylyǵyn damytýǵa erekshe ekpin beredi», - dedi Janseıit Qanseıituly.
Aıta keterligi, 2016 jyldyń qyrkúıek aıynda bastalǵan «Qarashyq» shaǵyn sý qoımasynyń qurylysyn «SMK ı J-7» JShS-y júrgizgen. Qurylys nysanyn salýǵa qazynadan 471,4 mln teńge jumsalyp otyr. Búginde sý qoımasy el ıgiline berilip, aldaǵy ýaqytta Úshqaıyq aýyldyq okrýginde baqsha daqyldary egiletin boldy.
