Túrkistanda jańadan kásip bastaǵandarǵa qural-jabdyqtar úlestirildi
TÚRKІSTAN. QazAqparat – «Meniń kásibim» respýblıkalyq áleýmettik jobasy Túrkistan qalasynyń halqyna kómek qolyn sozdy. Respýblıkalyq joba aıasynda bir apta ishinde Báıdibek, Otyrar syndy óńirdegi birqatar aýdandarmen qatar, Kentaý qalasyndaǵy kásipkerlerge qoldaý kórsetildi, dep habarlaıdy QazAqparat tilshisi.
Úkimet basshysynyń tapsyrmasymen bir jyl boıy júzege asatyn respýblıkalyq jobany kásipkerler qarjylandyrady. Jobaǵa qatysýshylarǵa qural-jabdyqtar úshin aqshalaı emes, zattaı dúnıeler beriledi. Uıymdastyrýshylar oblys jáne qala ákimdiginiń qoldaýymen óńirdegi 70-ke jýyq otbasyǵa demeýshilik tanytyp otyr. Máselen, Otyrar móltekaýdanyndaǵy kópqabatty turǵyn úıde turatyn Abdýlla Sýnnatýllaevqa massaj jasaýǵa arnalǵan kereýetpen qatar, barlyq qajetti jabdyqtar berildi. Ol bul kásibin óz páterinde jandandyrmaq nıette. Adamdardyń dertine shıpa berip, alǵysyn alýdy kózdep otyr. Sonymen qatar, qaladaǵy jalpy sany 16 otbasyǵa tigin, nan jáne tátti toqashtar, sandyq jasaý men qurylysqa qajetti zattar úlestirildi.
«Bul jobaǵa áleýmettik jaǵdaıy az qamtylǵan, ıaǵnı kúnkóris deńgeıi tómen nemese úıinde múmkindigi shekteýli bala asyrap otyrǵan, asyraýshysyz qalǵan otbasylar ótinish qaldyra alady. Bul jobanyń ereksheligi, eshqandaı qujat talap etilmeıdi. Bastysy – bizdiń kórsetken kómegimizdi ári qaraı jandandyryp, jaǵdaılaryn jaqsartýy», – dedi joba avtory Aıjanı Nurlanova.
Jobany júzege asyrýshylardyń aıtýynsha, jumysyn endi bastaǵaly turǵan kásipkerlerdiń aldaǵy isteri beı-jaı qalmaıdy. ıAǵnı qala, aýdan ákimdikteri men áleýmettik sala qyzmetkerleri olardyń ár qadamyn qadaǵalap otyrady. Jasaǵan dúnıeleriniń dúkenderde satylymǵa shyǵýyna kómektesip, jarty jolda tastap ketpes úshin dem berip otyrady.
