Túrkistanda jańadan aınalma jol salynyp jatyr
TÚRKІSTAN. QazAqparat – Túrkistan oblysynyń ákimi Ómirzaq Shókeev oblys ortalyǵyndaǵy qazany qaınaǵan qurylys alańdaryn aralap, ondaǵy karantın talaptarynyń qatań saqtalýyn baqylap kórdi. Keı nysandarda jumys úsh aýysymǵa kóshkenine jáne basym bóliginde qurylysy aıaqtalǵan nysandardyń aınalasyn abattandyrýǵa kúsh salynyp jatqanyna kóz jetkizdi, dep habarlaıdy QazAqparat tilshisi.
Oblys basshysy bıyl qoldanysqa beriletin basqarmalar úıi men Kongress - holl, jańa meshit pen dendrobaq, jelilik saıabaq pen drama teatr, oblystyq ǵylymı-ámbebap kitaphana men Uly dala eli jáne qolónershiler ortalyqtarynda, Tuńǵysh Prezıdent saıabaǵy men Qoja Ahmet ıAsaýı murajaıy nysanynyń qurylysynda boldy. Jumysshylarmen kezdesip, nysandardyń kestege sáıkes salynyp jatqanyn kórip shyqty. Jaýapty sala basshylaryna naqty tapsyrmalar berdi.
Budan bólek. Óńir basshysy Túrkistan qalasyndaǵy ortasha jol jóndeý jumystarymen de tanysty. Bıylǵy jyly ınfraqurylymy tolyq aıaqtalǵan 81 kóshege ortasha jóndeý jumystary júrgizilýde. Kóshelerde sarqyndy sý júıesine arnalǵan fýtlıar ornatý men jol negizin daıarlaý, aıaq joldardyń jıektastaryn ornatý jumystary qosa júrgizilýde.
Sondaı-aq, Bekzat Sattarhanov dańǵyly boıynda ornalasqan «Kerýen saraıy» kesheniniń tusynda aınalma joldyń qurylysy da aıaqtalýǵa jaqyn. Munda da jol tóselip, velojoldyń jáne trotýar ornalastyrý jumystary júrgizilýde. Jalpy, qalanyń ortalyq kóshelerine 30 aıaldama ornatylmaq. Búginde jeńil konstrýktsııaly zamanaýı 9 aıaldama qalanyń basty kóshelerine qoıylǵan.
