Túrkistanda jańadan 2 sport mektebi ashyldy
«ıAssy fýtbol klýbynda» eresek fýtbolshylar kásibı túrde daıyndyq jasasa, «Túrkistan qalasy balalar men jasóspirimder sport klýbynda» negizinen, buqaralyq sport túrlerine mán beriledi. Atap aıtqanda, búginde atalǵan klýbta sporttyń fýtbol, basketbol, «Street ball», úlken tennıs, Street Workout syndy túrleri boıynsha 10 jattyqtyrýshy jumys isteıdi. Túrkistan qalalyq sportty damytý bóliminiń 2021-2025 jyldarǵa arnalǵan Damý baǵdarlamasy aıasyndaǵy málimetke sáıkes, jyl basynan beri halyqty sport ınfraqurylymymen qamtý, ıaǵnı, sport zaldarmen jáne júzý basseınderi syndy oryndarmen qamtý (1000 adamǵa shaqqanda) jospardaǵy 55 paıyzdan 8 kórsetkishke artyq oryndalyp, jumystardy oryndaý deńgeıi 63,1 paıyzǵa jetken.
Dene shynyqtyrý jáne sportpen shuǵyldanatyn azamattardy qamtý aıasyndaǵy jumystarda da oń ózgeris baıqalady. Mundaǵy sandardy sóıletetin bolsaq, jergilikti jurttyń júıeli túrde sportpen aınalysatyndarynyń qatary qalyńdaǵan. Búginde shahardaǵy 184 myń halyqtyń 61 myńǵa jýyǵy turaqty túrde sportpen shuǵyldanady eken. Bul atalǵan sportty damytý bóliminiń osy salany damytýdaǵy josparlap otyrǵan 32 paıyzynan asyp túsip, 33 paıyzǵa jetip otyr.
Balalar men jetkinshekterdiń saladaǵy úles salmaǵy mol. 6-18 jas aralyǵyndaǵy sportpen aınalysatyn túrkistandyqtardyń sany 7 myńǵa jýyqtaıdy. Jyldyq jospar 16 paıyzdy qurasa, jyl sońyna jetpeı mejeli boljam oryndalyp qoıǵan.
Túrkistan shaharyndaǵy buqaralyq sportty damytý, qylmys pen quqyq buzýshylyqtyń aldyn alý, salaýatty ómir saltyn nasıhattaý, maqsatynda bólim tarapynan jarystar uıymdastyrylyp jumystar atqarylýda. Bul rette, qalalyq Adamı kapıtaldy damytý bólimimen birlesken jumystar istelinip jatyr. Atap aıtqanda, mektep oqýshylary, muǵalimder arasyndaǵy spartakıadalar, joǵary, orta-arnaýly oqý oryndarynyń stýdentteri, oqytýshylary arasynda spartakıadalar, quqyq qorǵaý qyzmetkerleri arasynda jarystar, QR ataýly merekeleri qarsańynda dástúrli túrde sporttyq jarystar uıymdastyrylyp ótkizilýde.
Jetistikterdi aıtyp ótýge mysaldar kóp. Máselen, Qazaqstan Respýblıkasy Táýelsizdiginiń 30 jyldyq mereı toıy qarsańynda Balýan Sholaq sport kesheninde aqpan aıynda basketboldan 2006-2007 jyly týylǵan qyzdar arasynda, voleıboldan ardagerler arasynda jarys uıymdastyrylsa, «Bereke, Qaırat» GTK sport keshenderinde ardagerler arasynda kishi fýtboldan, «Oqýshylar saraıynda» shahmattan jasóspirimder arasynda saıys ótkizildi. Mundaı saıystardy tize bersek óte kóp. Jyl basynan beri 100-ge jýyq san túrli sport saıystary bolǵan.
Endi oblystyq, respýblıkalyq baıraqty básekelerde Túrkistan qalasynyń atyn shyǵaryp, namysyn qorǵap júrgen saıypqyrandarymyzǵa toqtalsaq, Qazaqstan Respýblıkasynyń Tuńǵysh Prezıdenti, Elbasy N.Ə.Nazarbaevtyń júldesine arnalǵan qazaq kúresinen respýblıkalyq jarysqa irikteý týrnıri ótken-di. Oblystyq jarysqa 21 talantty balýan qatysty. Beldesýde óziniń talantymen kózge túsken Túrkistan qalasynyń balýany Aıdarbek Toqtarbek bas júldege ıe boldy.
Munan bólek, el Táýelsizdiginiń 30 jyldyǵy aıasynda memlekettik qyzmetshiler arasynda voleıboldan oblystyq spartakıadada Túrkistan qalasy ákimi apparaty jáne derbes bólim qyzmetkerlerinen quralǵan komanda 2 orynǵa ıe bolsa, voleıboldan eresekter arasynda oblystyq spartakıadada Túrkistan qalasynynan áıelder jáne erler komandasy da 2-orynǵa jaıǵasypty. Ústel tennısinen eresekter arasynda ótken spartakıadada Túrkistan qalasynyń quramasy 1 orynǵa ıe bolsa, shaharda ótken voleıboldan jáne kishi fýtboldan 40 jastan asqan ardagerler arasynda arasynda oblystyq spartakıadada Túrkistan qalasynyń komandasy 1 orynǵa shyqqan.
Búgingi tańda Túrkistan qalasynda 221 sport nysany bar. Atap aıtqanda, 1 sport saraıy, 3 stadıon, 5 sport kesheni, 139 sport oıyn alańy, 10 tennıs korty, 5 júzý basseıni 59 sport zaly jergilikti buqaraǵa qyzmet etýde. Odan basqa, zamanaýı úlgidegi jasandy tósenishpen 64 ashyq sport alańshasy salynyp, paıdalanýǵa berildi. Onyń 31-i kishi fýtbol alańy, 16-sy basketbol alańy, 7-ýi tennıs korty, 7-ýi «Street Workout» alańy, 3-ýi «Street ball» alańy. Qala turǵyndary sporttyń 12 túri boıynsha sportpen aınalysady.
