Túrkistanda jańa jyldyq bezendirýge bıýdjetten qarjy qaralmaıdy
Túrkistan qalasynda jańa jyldyq eki shyrsha ornatylady. Onyń biri - jańa qala aýmaǵyndaǵy alańǵa, al ekinshisi «Jeńis» saıabaǵyna qoıylady. Shyrshanyń aınalasy men qala kósheleri jańa jyldyq jaryqshamdarmen bezendiriledi. Bir ereksheligi, bul iske qala bıýdjetinen bir tıyn da bólinbeıdi.
«Byltyrǵy shyrshalardy qoldanamyz. Sondaı-aq, ótken jyly qalany bezendirgen maqtalar men áshekeıler, oıynshyqtar, jańa jyl keıipkerleri ornatylady. Jańadan kirip kele jatqan qoıan jylyna oraı jańa personajdar bolady. Biraq olar kóp qarjyny talap etpeıdi» - deıdi Túrkistan qalalyq ınfraqurylym jáne kommýnıkatsııalar bóliminiń sektor meńgerýshisi Meırambek Mombekov.
Túrkistanda erteńnen bastap qala kóshelerin bezendirý jumystary bastalady. Shyrsha ornatý isi de 25 jeltoqsanǵa deıin bitýi tıis. Bul jumystardyń barlyǵyn qala ákimdigine qarasty «Jaryq Tazalyq» JShS-niń qyzmetkerleri atqarady.
