Túrkistanda jańa úlgidegi baǵdarshamdar ornatylýda
TÚRKІSTAN. QazAqparat – Túrkistan qalasy oblys ortalyǵyna aınalǵaly beri qurylys qarqyn alyp, kósheler retke keltirilip jatyr.
Qalada «Qaýipsiz qala» jobasy bastaý alǵaly bergi ýaqytta jańa úlgidegi baǵdarshamdar ornatylyp, júrgizýshiler tártipke boı úıretip keledi, dep habarlaıdy QazAqparat tilshisi.
Kóne shahardaǵy S. Qojanov kóshesiniń boıynda jýyrda jańadan baǵdarsham jáne shaqyrý panelimen jabdyqtalǵan jaıaý júrginshiler joly ornatyldy. Turǵyndarǵa endi joldyń qarsy betine ótý úshin bar bolǵany baǵdarsham janyndaǵy taqtaǵa alaqandy tıgizip, jasyl belgini kútý kerek. Qala qaýipsizdigin qamtamasyz etý maqsatynda eski úlgidegi 27 baǵdarshamnyń 15-i jańartylǵan. Sondaı-aq, taǵy qosymsha 5 baǵdarsham ornatyldy.
Búginde ortalyq kóshelerdi belgilenbegen jerlerden kesip ótken jaıaý júrginshilerge kún saıyn 60-qa tarta hattama toltyrylýda. Bul týraly qalalyq polıtsııa basqarmasynyń jergilikti polıtsııa qyzmetiniń basshysy Baǵdáýlet Áýelbekov aıtyp ótti.
Onyń sózinshe, turǵyndarǵa qaýipsizdik sharalaryn túsindirilip jatyr.
