Túrkistanda jańa úlgidegi avtobýstar jolǵa shyqty

TÚRKІSTAN. QazAqparat – Túrkistanda Naýryz meıramy qarsańynda jańa úlgidegi avtobýstar jolǵa shyqty. Qoǵamdyq kólikterdi oblys ákimi Ómirzaq Shókeev kórip, onda ornatylǵan zamanaýı júıeniń jumysyn tekserip kórdi, dep habarlaıdy QazAqparat tilshisi.

Shaharǵa jetkizilgen qoǵamdyq kólikterde júrý baǵytyn bilýge arnalǵan GPS qurylǵysy ornatylǵan. SAZ LE-60 markaly 20 jańa kólikti «TehProfAvto» JShS «Samarqand» avtomobıl zaýytynan arnaıy tapsyryspen aldyrǵan. Jaqyn kúnderi taǵy 30-y keledi dep kútilýde. Jaıly da jańa avtobýstar qala turǵyndarynyń kúndelikti ómir sapasyn arttyra túsirmek. Qoǵamdyq kólikter 25 jolaýshyǵa laıyqtalǵan. Jeldetkish pen qoldarbaǵa arnalǵan pandýsy, elektrondy bılet berý jáne úsh beınebaqylaý qurylǵysymen jasaqtalǵan. Túrkistan qalasynda 300-deı qoǵamdyq kólik 21 turaqty baǵytqa jolaýshylar tasymaldaıdy. Sondaı-aq Túrkistanda bir úlgide bezendirilgen jańa taksıler de jolǵa shyqty. Zańdy avtotasymadaýshylardyń sanyn arttyrý arqyly halyqtyń júrip – turýy qaýipsizdigin qamtamasyz etetin elimizde jasalǵan jańa da jaıly 20 kólik «Ýassy taxi» brendimen sapaly qyzmet kórsetýge daıyn.