Túrkistanda jańa perzenthana iske qosylady
TÚRKІSTAN. QazAqparat - Bıyl Túrkistan qalasynda zamanaýı perzenthana iske qosylady, dep habarlaıdy QazAqparat.
«Túrkistandaǵy №3 oblystyq perınataldyq ortalyq 2007 jyldan beri halyq ıgiligi úshin jumys istep keledi. Ortalyq Kentaý qalasy, Sozaq, Otyrar aýdandarynan kelgen analarǵa da qyzmet kórsetedi. Oblystyń ortalyǵy bolyp, halyq sany artqan tusta perzenthanada oryn tapshylyǵyn boldyrmaý maqsatynda jýyq arada qosymsha jańa ǵımaratty paıdalanýǵa berý josparlanyp otyr. Búginde atalǵan mekemeniń oń jaq bóliginen 150 oryndyq jańa ǵımarattyń qurylysy júrgizilýde. Tórt qabatty zamanaýı ǵımarattyń qurylys jumystary ótken jyldyń qazan aıynda bastalǵan. Bıylǵy jyldyń jeltoqsan aıynda paıdalanýǵa beriledi. Ǵımarattyń qurylysyn merdiger «Erıstaıl Kazahstan» JShS-niń ókilderi qurylysty qazan aıynda tolyqtaı aıaqtaıtynyna senimdi. ıAǵnı, jańa ǵımaratta jańa týǵan sábıdiń úni estiletin kúnde alys emes», - delingen qala ákimdiginiń baspasóz qyzmeti taratqan aqparatta.
12 jyldan beri qyzmet kórsetip kele jatqan 155 orynǵa laıyqtalǵan №3 perzenthanada eki fızıologııalyq bólim, shala týǵan nárestelerge kútim jasaýǵa arnalǵan bólim, patologııa, gınekologııalyq bólimder bar. Sonymen qatar jansaqtaý bóliminde 6 oryn qarastyrylǵan. Perzenthana quramynda qosymsha klınıkalyq-dıagnostıkalyq blok, ambýlatorlyq qyzmetter, fýnktsıonaldyq dıagnostıkalyq jáne ÝZI kabınetteri qyzmet kórsetedi.
«Ortalyqta laparoskopııalyq baǵana kómegimen kúnine gınekologııalyq laparoskopııalyq 3-5 ota jasalady. Qaǵazbastylyqtan arylý maqsatynda jumys keshendi medıtsınalyq aqparattyq júıede (KMIS) júrgiziledi. Atalǵan júıege analardyń qabyldaýǵa kelip tirkelgeni engiziledi. Osy arqyly mekeme jumysyn QR Densaýlyq saqtaý mınıstrligi men oblystyq Densaýlyq saqtaý basqarmasy avtomatty túrde kóre alady. Ujymda jalpy sany 320 maman qyzmet etedi», - dedi Túrkistan qalasy ákimdiginen.
