Túrkistanda jańa nysandardyń qurylysy qarqyndy júrýde
ARYS. QazAqparat - Túrkistanda jańadan salynyp jatqan nysandardyń qurylysy qarqyndy júrýde. Oblys ákiminiń tapsyrmasyna sáıkes, halyq kóp shoǵyrlanǵan ortalyq kósheler boıynan qoǵamdyq kógaldardy (skverler men alleıalar) kóbeıtý boıynsha birneshe demalys alańshalary salynýda, dep habarlaıdy QazAqparat tilshisi.
Qaladaǵy burynǵy «Selmag» sý qoımasynyń ornynan boı kóteretin «Jastar alleıasy» qala jastarynyń demalysy úshin tıimdi ári qolaıly oryn bolmaq. Munda sport alańdary (tennıs korttary, voleıbol, basketbol alańshalary) men demalys bastyrmalary, sýburqaqtar salynyp, abattandyrylady. Qazirgi tańda 3,3 gektar jerdi quraıtyn alleıanyń aýmaǵy tegistelip, tazalaý jumystary júrgizildi.
Eski sý qoımasynyń qubyrlary aýystyrylyp, transheıalar qazylýda. Sý burqaqtar qurylysy bastalyp, betondaý jumystary júrgizilip jatyr. Sondaı-aq, demalys ornynyń aldynda arnaıy avtoturaq salynady dep josparlanǵan.
