Túrkistanda zeınet jasyndaǵy áıel káriz shuńqyryna qulap ketti
ShYMKENT. QazAqparat - Túrkistanda zeınet jasyndaǵy áıel úıiniń aýlasyndaǵy káriz shuńqyryna túsip ketti. Oqıǵa tańǵy saǵat toǵyzdarda oryn alǵan. Abaısyzda aıaǵy taıyp ketip, shuńqyrǵa qulaǵan turǵyndy týystary shyǵara almaı, qutqarýshylardyń kómegine júgingen , dep habarlaıdy QazAqparat HAA tilshisi.
Túrkistan qalalyq №2 mamandandyrylǵan órt sóndirý bólimine 58 jastaǵy áıeldiń káriz shuńqyryna túsip ketkeni jáne shyǵa almaı jatqany týraly aqparat túsedi. Oqıǵa ornyna jetken órt sóndirýshiler men qutqarýshylar tereń shuńqyrǵa túsip, qulaǵan áıeldi joǵary alyp shyqty. Dárigerdiń kómegine júgingen zeınetkerdiń ómirine qaýip tónip turǵan joq.
