Túrkistanda «ıAsaýıtaný» halyqaralyq baıqaýy ótti
ShYMKENT. QazAqparat - Túrkistanda túrki əlemindegi jalpy bilim beretin oqý oryndarynyń 6-11-synyp oqýshylary arasynda «ıAsaýıtaný» Halyqaralyq baıqaýy ótti. Igi sharany «Túrkistan - túrki áleminiń mádenı astanasy» jylyna oraı QR Mədenıet jáne sport mınıstrligi men «Áziret Sultan» memlekettik tarıhı-mádenı qoryq-mýzeıi uıymdastyrdy, dep habarlaıdy QazAqparat HAA tilshisi.
Bilim jáne óner saıysynyń maqsaty- Qoja Ahmet ıAsaýıdiń rýhanı murasy men ilimin, «Áziret Sultan» kesenesine jerlengen dara tulǵalardyń eli úshin atqarǵan eńbekterin nasıhattaý boldy. Sondaı-aq Túrkistan qalasynyń tarıhy men Ámir Temir dáýirinen qalǵan qundy ortaǵasyrlyq jádigerlerdi jáne mýzeı isin keńinen tanystyrý kózdelgen. 
Halyqaralyq qazaq-túrik ýnıversıtetiniń Mádenıet saraıynda ótken baıqaýǵa Qazaqstan, Túrkııa, Ózbekstan jáne Qyrǵyzstan elderinen úzdik oqıtyn 42 oqýshy qatysyp, bilimderin sarapqa saldy. Eki kezeńnen turatyn saıysta jasóspirimder Qoja Ahmet ıAsaýı hıkmetterin jatqa aıtyp, onyń ómiri men shyǵarmalaryna qatysty suraqtarǵa jaýap berdi. 
ıAsaýıdiń hıkmetterindegi uǵymdar men rýhanı meken-tarıhı kesene jəne ondaǵy jádigerler týraly aıtyp berdi. Saıys qortyndysynda bas júldeni Ońtústik Qazaqstan oblysynyń mektep oqýshysy Ajar Qaramanǵa buıyrdy. Al, birinshi oryndy Aqmola oblysynan kelgen Janat Oqa ıelense, ekinshi oryn Qyzylorda qalasynyń qatysýshysy Nursultan Aqypbaev pen Ońtústik Qazaqstan oblysynyń oqýshysy Roza Seıtqulova laıyq dep tanyldy. Úshinshi oryndy túrkistandyq Roza Hakımova men Dııara Majıtovalar jeńip aldy. Barsha qatysýshylar men jeńimpazdar jəne olardyń jetekshileri arnaıy alǵys hattar men aqshalaı, zattaı syılyqtarmen marapattaldy.
Aıta keteıik, dástúrli túrde ótetin baıqaý bıyl halyqaralyq dərejede júzege asyryldy. Óskeleń urpaqty óz tarıhyn, mədenı muralary men ǵumyrlyq eskertkishterin tolyq uǵynyp, qurmetpen qaraýǵa shaqyratyn shara aldaǵy ýaqytta da aýqymdy túrde ótkiziletin dep josparlanyp otyr.
