Túrkistanda «ıAsaýıtaný-2018» halyqaralyq baıqaýy bastaldy
TÚRKІSTAN. QazAqparat - Túrkistanda Astana qalasynyń 20 jyldyǵy men «Əziret Sultan» memlekettik tarıhı-mədenı qoryq-mýzeıiniń 40 jyldyq mereıtoıyna oraı mektep oqýshylary arasynda XXII «ıAsaýıtaný-2018» halyqaralyq baıqaýy bastaldy, dep habarlaıdy QazAqparat tilshisi.
Saıysqa Ózbekstan, Túrkııa, Qyrǵyzstan Respýblıkalary men elimizdiń Astana, Almaty, Shymkent qalalarynan, segiz oblystan kelgen 41 oqýshy qatysýda. «Áziret Sultan» memlekettik tarıhı-mádenı qoryq-mýzeıi uıymdastyrǵan halyqaralyq bilim jáne óner saıysynda qatysýshylar Qoja Ahmet ıAsaýıdiń rýhanı murasy men iliminen habardar ekenin kórsetýi tıis. Sondaı-aq, «Áziret Sultan» kesenesine jerlengen dara tulǵalardyń eli úshin atqarǵan eńbekterin, sondaı-aq, Túrkistan qalasynyń tarıhyn, Ámir Temir dáýirinen qalǵan qundy ortaǵasyrlyq jádigerlerdi jáne mýzeı isin nasıhattaýǵa atsalysady.
Eki kezeńnen turatyn baıqaýda oqýshylar Qoja Ahmet ıAsaýı hıkmetterin esh múdirmeı, qatesiz jatqa aıtý jaǵynan saıysqa túsedi. Ekinshi kezeńde suraq-jaýap túrinde Qoja Ahmet ıAsaýıdiń ómiri men shyǵarmalaryna, hıkmettegi uǵymdarǵa, Qoja Ahmet ıAsaýı kesenesi men ondaǵy jádigerlerge qatysty aldyn-ala daıyndalǵan suraqtarǵa jaýap beredi. Jeńimpazdar dıplom jáne syılyqtarmen, al olarǵa jetekshilik jasaǵan ustazdar arnaıy sertıfıkatpen marapattalmaq.
Aıta keteıik, jıyrma eki jyldyq tarıhy bar «ıAsaýıtaný» baıqaýy 1996 jyldan bastaý alady. Atalǵan jyly qala mektepteri arasynda uıymdastyrylǵan saıys 2006 jyly aýdanaralyq, 2007-2008 jyldary oblystyq, 2009-2015 jyldary respýblıkalyq, 2016 jyldan bastap halyqaralyq deńgeıde ótýde.
