Túrkistanda voleıboldan oblystyq chempıonat ótti

Jasóspirim uldar arasynda ótken jarys bul joly Jeńistiń 75 jyldyǵyna arnaldy. Joǵary deńgeıde uıymdastyrylǵan saıysqa jalpy sany 21 komandaquramynda 300-ge jýyq sportshy qatysty. Baıraqty básekeniń ashylý saltanatyna oblystyq dene shynyqtyrý jáne sport basqarmasynyń basshysy Polat Qyryqbaev arnaıy qatysyp, jarysqa qatysýshy sportshylarǵa sáttilik tiledi.

Sonymen qatar, bul jarys buqaralyq sportty óńirde damytý men salaýatty ómir saltyn qalyptastyrý jáne jastardy nashaqorlyqtan qorǵaý maqsatynda uıymdastyrylǵanyn atap ótti. Chempıonatta sportshylar eki jas erekshelikteri boıynsha baqtaryn synap, ózara jeńimpazdardy anyqtady.

2003-2004 jyly týǵan jastar arasynda júldeli úshinshi oryndy Túrkistan qalasynyń voleıbolshylary ıelendi. Al, ekinshi oryn shardaralyqtarǵa buıyrdy. Saıram aýdanynyń órenderi qarsylas shaq keltirmeı, birinshi orynǵa turaqtady. Jarystyń kórkin qyzdyrǵan oıyn 2007-2008 jyly týǵan jasóspirimder arasynda ótti. Bul jas ereksheliginde Shardara aýdanynyń sportshylary eshkimge des bermedi. Júldeli ekinshi jáne úshinshi oryndardy Túrkistan qalasy men Ordabasy aýdanynyń voleıbolshylary ózara bólisti. Endi jeńimpaz atanǵan komandalar Qazaqstan Respýblıkasynyń chempıonatynda oblys namysyn qorǵaıtyn bolady.