Túrkistanda VII Túrkologııa kongresi ótip jatyr
Atatúrik atyndaǵy mádenıet, til jáne tarıh joǵary qurylymy men Túrik tili qurylymy qoldaý kórsetken ǵylymı shara Qoja Ahmet ıAsaýı atyndaǵy Halyqaralyq qazaq-túrik ýnıversıtetinde ótýde.
Eki jyl saıyn Túrkistan qalasynda turaqty túrde ótkizilip kele jatqan kongress bıyl «Joıylý qaýpi bar túrki tilderi» taqyrybyna arnalǵan.
Jıynnyń ashylý saltanatyn Q.A.ıAsaýı atyndaǵy HQTÝ Ókiletti keńes tóraǵasy Musa Iyldyz ben túrki elderinen kelgen kórnekti ǵalymdar quttyqtaý sózderimen ashty.
Úsh kúnge jalǵasatyn sharada joıylyp ketý qaýpi bar tilder jaıly zertteýler; sóıleýshisi qalmaǵan tarıhı túrki jazý tilderi; Qytaıdaǵy túrki tilderiniń jaǵdaıy; Keńes dáýirinen keıingi túrki tilderiniń jaǵdaıy; túrki tilderiniń arab tilimen baılanysy men túrki tilderiniń joıylyp ketýine qaýip týdyratyn negizgi máseleler kóteriledi dep josparlanǵan.
Kongresske Ázerbaıjan, Qazaqstan, Qyrǵyzstan, Ózbekstan, Túrkııadan jáne basqa shet memleketterden kelgen ǵalymdar men izdenýshiler qatysýda.
Aıta ketý kerek, Túrki akademııasy halyqaralyq uıymy (TWESCO) kongresste kóterilgen ózekti taqyrypqa oraı bıylǵy jyldyń kókteminde Q.A.ıAsaýı at. HQTÝ qoldaýymen «Joıylý qaýpindegi túrki tilderi» atty tórttomdyq irgeli eńbek jarııalap, Ankara men Astanada tanystyrylymyn ótkizgen bolatyn.
