Túrkistanda veterınarııa salasynyń qyzmetkerlerine 16 qyzmettik kólik berildi

TÚRKІSTAN. QazAqparat - Túrkistan oblysynyń veterınarııa salasynyń qyzmetkerlerine erekshe qoldaý kórsetildi. Aımaq basshysy Ómirzaq Shókeev osy salanyń ókilderine jańa 16 arnaıy jabdyqtalǵan qyzmettik kóliktiń kiltin saltanatty túrde tapsyrdy, dep habarlaıdy QazAqparat tilshisi.

Sonymen qatar veterınarııalyq is-sharalardyń sapasyn arttyrý maqsatynda, bıyl jergilikti bıýdjetten qosymsha 352 mln teńge qarjy bólindi. Bul qarajatqa bıopreparattardy saqtaýǵa arnalǵan 16 kameralyq tońazytqysh, 178 birlik vıtrınalyq tońazytqysh, 814 birlik termochemodan alyndy. 366 birlik ıt ustaýǵa arnalǵan ilmek jáne 390 birlik kompıýter jıyntyǵy jetkizildi. Veterınarııa qyzmetiniń jetistikterine toqtalǵan óńir basshysy aýyl sharýashylyǵy damyǵan oblys úshin osy salany damytý mańyzdy ekenin aıtty.

«Memleket basshysy Qasym-Jomart Kemeluly Toqaev dástúrli Qazaqstan halqyna arnalǵan Joldaýynda veterınarııa salasyn jetildirýge úlken mán berip, Úkimetke jyl sońyna deıin veterınarııa júıesin reformalaý jóninde naqty sharalar qabyldaýdy tapsyrdy. Bul baǵytta óńirde naqty jumys atqarylyp keledi. 2019 jyly aýdan, qalalardaǵy veterınarııalyq uıymdar oblystyq aýyl sharýashylyǵy basqarmasynyń quzyryna ótip, jaǵdaıdy ortalyqtan baqylap turaqtandyrýǵa múmkindik ashyldy. Veterınar dárigerlerin jyl boıyna turaqty jumyspen qamtyp, jalaqysyn 1,5 esege ulǵaıttyq. Bıyl veterınarııalyq is-sharalardyń sapasyn artyrý úshin, oblystyq bıýdjetten 352 mln teńge qarjy bólip, nátıjesinde ózderińiz kórip turǵandaı, aýdan, qaladaǵy veterınarııalyq uıymdardy arnaıy jabdyqtalǵan 16 birlik «ÝAZ» fermer avtokólikterimen qamtyp otyrmyz», – dedi Ómirzaq Shókeev.

Búginde oblys kóleminde aýdan, qalalardaǵy 16 veterınarııalyq uıym biriktirilip, oblystyq «Veterınarııalyq qyzmet» memlekettik-kommýnaldyq kásiporynyn qurý jóninde sheshim qabyldanǵan. Bul tájirıbe elimizde alǵashqy ret qolǵa alynyp otyr. Nátıjesinde kómekshi-tehnıkalyq personaldar qysqaryp, veterınar mamandarǵa almastyrylyp, osy bastamalar nátıjesinde qyzmet sapasy jaqsarǵan. Aǵymdaǵy jylǵa veterınarııalyq qaýipsizdikti qamtamasyz etýge oblystyq bıýdjetten 4,1 mlrd teńge qarjy qaralyp, ótken jyldan 10 paıyzǵa ósti. Jyl basynan beri

16 asa qaýipti aýrýlarǵa qarsy 25,4 mln doza vaktsına egildi. Tıisti preparattarmen 2,7 bas iri mal búrkilip, 9,1 mln bas usaq mal toǵytylǵan. Qora jaılar men býferlik aımaqtar zalalsyzdandyrylyp, 48,4 myń bas qańǵybas ıt-mysyq aýlanǵan.

Aınur Aqbaeva

Sýreti poshtada

Mem tapsyrys aıasynda