Túrkistanda úzdik jýrnalısterge TÚRKSOI-dyń «Baspasóz syılyǵy» tapsyryldy

TÚRKІSTAN. QazAqparat - Túrkistanda TÚRKSOI Halyqaralyq uıymynyń «Baspasóz syılyǵy» sheteldik jáne qazaqstandyq 15 úzdik jýrnalıske tapsyryldy. Saltanatty jıynda Túrkitildes memleketterdiń álem halqyn birlikke, dostyqqa, beıbitshilikke shaqyrýǵa arnaǵan úndeýi qabyldandy, dep habarlaıdy QazAqparat HAA tilshisi.

Mereke barysy sondaı-aq álemdik deńgeıdegi kontserttik baǵdarlamaǵa ulasty. Onda 500-ge jýyq bıshi «Kún men Túnniń teńelýi jáne Tabıǵattyń oıanýy» teatrlandyrylǵan sazdy-horeografııalyq qoıylymyn kórsetti

Túrkitildes halyqtarǵa ortaq uly tulǵalar - Arystan bab, ıAsaýı, Ál-Farabı, Qorqyt ata obrazdaryndaǵy kórinis sahnalansa, Qazaq handary kıeli shańyraqty kóterip, ondaǵy ýyqtardy óńirimizdegi 20 etnomádenı ortalyqtyń ókilderi ustaýymen beıbit elimizdegi turaqtylyq pen tatýlyqty pash etti.

Kontserttik baǵdarlama barysynda «Súıinshi. Shashý» kórinisi qoıyldy. Onda Ulttyq kıimdegi attyly jarshylar «Naýryz» kelgeni jóninde súıinshi surap, shashý shashty. Alańda Túrkitildes memleketterge arnalǵan 6 kıiz úı kóterilip, Túrkitildes memleketterdiń «Naýryz» kerýeni keldi. Kerýende 18 túıe, 30  at, 4 arba jáne Túrkitildes memleketterden kelgen 300-ge jýyq mádenıet maıtalmandary óner kórsetti.

«Túrkistan - Túrki áleminiń mádenı astanasy» jylynyń aıasynda, Naýryz merekesine oraı, Túrkistan qalasynda Túrki áleminiń «Naýryz» Halyqaralyq aqyndar aıtysy men «Burań bel» bı festıvali ótedi.

Búgingi sharany nasıhattaýǵa Ázerbaıjan, Qyrǵyzstan, Ózbekstan, Túrkııa Bashqurtstan, Tatarstan, Soltústik Kıpr Respýblıkasynan bas-aıaǵy 30 shaqty tilshiler keldi.