Túrkistanda ústel tennısinen QR kýbogy sarapqa salyndy
TÚRKІSTAN. QazAqparat – Túrkistandaǵy Balýan Sholaq sport kesheninde ústel tennısinen tuńǵysh ret Qazaqstan Respýblıkasynyń kýbogy sarapqa salyndy. Búgin bastalǵan baıraqty básekege elimizdiń 11 óńirinen 100-ge jýyq sportshy qatysýda, dep habarlaıdy QazAqparat tilshisi.
Jarystyń ashylý saltanatyna oblystyq dene shynyqtyrý jáne sport basqarmasynyń basshysy Polat Qyryqbaev pen oblystyq ústel tennısiniń prezıdenti Baltabaı Qurbanbaev, QR olımpıadalyq komıtetiniń ústel tennısinen ulttyq quramanyń basshysy Dáýlet Ismagýlov pen bas tóreshi Mırıakýb Mıraslanovtar sóz sóılep, qatysýshylarǵa sáttilik tiledi.
Baby men baǵy qatar shapqan sportshylar eki kún boıyna jekeleı jáne komandalyq esep boıynsha synǵa túsip, myqtylyqtaryn tanytatyn bolady. Jeńimpazdarǵa oryndar taǵaıyndalyp, úzdik dep tanylǵandarǵa ulttyq qurama sapynda óner kórsetý buıyrmaq.
Jeńimpaz jandarǵa arnaıy daıyndalǵan kýbogtar men medaldar tabystalyp, dıplomdar beriledi.
Aıta keteıik, chempıonat 20 qazan kúni qorytyndylanady.
