Túrkistanda ústel tennısinen el kýbogy sarapqa salyndy
TÚRKІSTAN. QazAqparat – Túrkistan qalasyndaǵy «Balýan Sholaq» sport kesheninde ústel tennısinen eresekter arasynda Qazaqstan Respýblıkasy kýbogyn sarapqa salǵan jarys ótip jatyr. Túrkistan oblysynda tuńǵysh ret jalaýy kóterilgen saıysqa elimizdiń barlyq aımaǵynan 100-ge tarta sportshy qatysyp, baqtaryn synaýda, dep habarlaıdy QazAqparat tilshisi.
«Jastar jyly» aıasynda uıymdastyrylǵan jarysqa elimizden 11 komanda qatysyp, ózara sheberlikterin baıqaýda. Jarystyń ashylý saltanatynda sóz alǵan Túrkistan oblysy ústel tennısi federatsııasynyń prezıdenti Baltabaı Qurbanov jarysqa qatysýshy órenderdi quttyqtap, olarǵa sáttilik tiledi. Tuńǵysh ret jalaýy kóterilgen jarysty joǵary deńgeıde uıymdastyrýǵa atsalysqan Túrkistan oblystyq №3-shi olımpıadalyq sport mektebiniń dırektory Shadııar Qondybaev bul tartysty saıysta jeńimpaz ataǵan sportshylar, Qazaqstan ulttyq quramasy sapynda óner kórsetetinin atap ótti. Baıraqty básekege arnaıy kelgen Ústel tennısinen ulttyq quramanyń basshysy Dáýlet Bolatuly mundaı jarystardy kóp ótkizý arqyly elimizdiń sportynyń damýyna mol úles qosatynyn aıtyp ótti. Endi tartysqa toly jarystyń jeńimpazdary saıystyń ekinshi kúni belgili bolady.
