Túrkistanda ushatyn teatr ashylady
Qaladaǵy qurylys alańdaryn aralaǵan oblys ákimi Ómirzaq Shókeev demalys ortalyǵynyń ashylýǵa daıyndyq barysymen tanysty.
Joba avtorlarynyń aıtýynsha, qııal-ǵajaıyp ortalyq Samuryq qustyń jumyrtqasy halyq ańyzyna negizdelgen. Báıterektiń butaǵyndaǵy uıasyna kelip, kıeli Samuryq qus kún beıneli altyn jumyrtqa salady. Dál osy altyn tústi alyp jumyrtqa kelbetindegi erekshe teatrda Báıteregimiz sııaqty sıqyrly ertegiler eline, qazaq halqynyń tarıhyna jańa tehnologııalardyń kómegimen, 8 D formatta áserli saıahat jasaýǵa bolady. Elimizdiń ótkeni, búgingisi men kelesheginiń kórinisi osy teatr-mýzeıde kórsetiledi. Shyǵys úlgisinde salynǵan keshen – kıeli shaharǵa keletin meımandardyń súıikti demalys ornyna aınalary sózsiz.
Túrkistan qalasynyń ákimshilik iskerlik ortalyǵy (ADTs) aýmaǵynda ákimshilik ǵımarattar men kópqabatty 24 úıdiń qasbetterin bir úlgide jaryqtandyrý jumystary júrgizilýde. Qaladaǵy ǵımarattardyń aınalasy kógaldandyrylyp, jaryqtandyrylýda.
Qalanyń basty kóshelerine túngi jaryqtandyrý jumystary júrgizildi.
Sondaı-aq ıAsaýı kesenesiniń aldynda erekshe jaryqshamdar ornatyldy. Mınskiden arnaıy aldyrylǵan aǵash keıpindegi baqsha jaryqshamdary túnde aınalany san alýan túske bólese, kúndiz salqyn sý shashyp, aptap ystyqtan qorǵaıtyn bolady.
Oblys ákimi Ómirzaq Shókeev osy qarqyndy jumystardyń barysyn baqylap, jaýapty tulǵalarǵa naqty tapsyrmalar júktedi. «Dendrosaıabaq» pen «Attraktsıondar parki» arasynda jańa kópir salý josparlanýda. Sonymen qatar «Jibek joly» saıabaǵy, B.Sattarhanov boıyndaǵy «Jelilik saıabaǵy» ásemdelip, qonaq úıler jaryqtandyrylady. Oblys basshysy B.Sattarhanov dańǵylyndaǵy turǵyn úılerdiń, kásipkerlik nysandardyń syrtqy kelbetterin jáne «Rámizder alańy» men «Túrki baǵyn» retke keltirý jumystarymen tanysty. Bul jumystar kásipkerler men turǵyndardyń kúshterimen júrgizilip jatyr.
