Túrkistanda úkimettik emes uıymdar saılaýǵa belsene qatysady
Óńirlik kommýnıkatsııalar qyzmeti málimeti boıynsha, jıynda elimizdegi basty saıası oqıǵa - saılaý máselesi talqylandy.
Basqosýda «Túrkistan oblysynyń isker áıelder assotsıatsııasy» qoǵamdyq birlestiginiń tóraıymy Inara Namazbaeva, «Jaıylma» qoǵamdyq birlestiginiń tóraǵasy Janbolat Súıinbaev, Túrkistan qalalyq «Semeı ıadrolyq synaq polıgony» qoǵamdyq birlestiginiń tóraǵasy Ahmet Ospanov, «Eko Atameken» qoǵamdyq birlestiginiń tóraıymy Gúlnár Nııazova óz pikirlerin bildirdi.
Jıyndy júrgizgen Sháripbek Jamalbek árbir adam óziniń azamattyq belsendiligin kórsetip, eldik másele qozǵalǵan saıası oqıǵalardan shet qalmaýy kerektigin aıtty.
«Ata-babamyz kóksegen táýelsizdik týy kógimizde jelbirep tur. Endigi maqsat ári basty mindet sol táýelsizdikti kózdiń qarashyǵyndaı saqtaý jáne ony odan ári nyǵaıtý bolyp tabylady. Elbasymyzdyń bastaýmyen Qazaqstan barlyq salada jetistikke jetti. Endi biz birigip el múddesi jolynda tynbaı eńbek etýimiz kerek. Prezıdenttiń ózi aıtqandaı, qoǵamdyq-saıası kelisimdi qamtamasyz etý úshin aıqyndyq qajet. Sol úshin ÚEU-dar saılaýǵa bir kisideı jumylyp atsalysaıyq», - dedi ol.
Úkimettik emes uıym basshylary Qazaqstan Prezıdenti Qasym-Jomart Toqaevtyń bul sheshimin qoldaıtyndaryn, saılaýǵa belsendi túrde qatysatyndaryn jetkizdi.
