Túrkistanda ÝEFA talaptaryna saı jańa stadıon salynyp jatyr

TÚRKІSTAN. QazAqparat – Túrkistanda ÝEFA-nyń halyqaralyq talaptaryna saı ortalyq stadıon salynýda. Nysan qurylysyn «Samuryq-Qazyna» ulttyq ál-aýqat qory júrgizip jatyr. Stadıon bıyl mamyr aıynda paıdalanýǵa beriledi, dep habarlaıdy QazAqparat tilshisi.

7000 adam syıatyn atshaptyrym stadıonda 2 sport zaly, tabıǵı fýtbol alańy, ákimshilik bólmeler salynýda. Sport kesheni paıdalanýǵa berilgen soń bul jerde fýtboldan Qazaqstan Respýblıkasy chempıonatynyń Premer-Lıga, Birinshi jáne Ekinshi Lıga komandalarynyń oıyndary ótedi dep josparlanǵan.

Budan basqa, mádenı-sporttyq is-sharalar, fýtbol, jeńil atletıka, ústel tennısi, sadaq atýdan oblys quramasynyń oqý-jattyǵý jıyndary, oblystyq, respýblıkalyq jáne halyqaralyq jarystar ótkizilmek.

Sonymen qatar Túrkistan oblysy sportynyń damýyna úles qosatyn «Jabyq basseıni bar sport saraıynyń» qurylysy da qarqyndy júrip jatyr. Basseındi «Retroleum Operating» kompanııasy salyp, el ıgiligine berýdi josparlap otyr.

Oblystyq dene shynyqtyrý jáne sport basqarmasynyń basshysy Polat Qyryqbaev salynyp jatqan álemdik deńgeıdegi ortalyq stadıon men jabyq basseınniń qurylysymen tanysyp qaıtty. Zaman talabyna saı jabyq basseınde ulttyq qurama músheleri men oblys sportshylary jattyǵatyn bolady.