Túrkistanda «Túrkııa - Qazaqstan densaýlyq aptasy» bastaldy

TÚRKІSTAN. QazAqparat - Túrkistan qalasynda Q.A.ıAsaýı atyndaǵy Halyqaralyq qazaq-túrik ýnıversıteti men QR Densaýlyq saqtaý mınıstrligi birlese uıymdastyrǵan «Túrkııa - Qazaqstan densaýlyq aptasy» bastaý aldy. Bul týraly Túrkistan oblysy Óńirlik kommýnıkatsııalar qyzmetinde ótken brıfıngte Joǵarǵy oqý ornynyń prezıdenti, professor Bolatbek Ábdrasylov aıtty, dep habarlaıdy QazAqparat.

Sondaı-aq, baspasóz máslıhatynda Eýropa birlestigi jáne syrtqy ictep boıynsha «Túrkııa-Qazaqstan densaýlyq aptalyǵynyń» jaýapty top jetekshisi Arıf Chetın, Túrkistan oblystyq Densaýlyq saqtaý basqarmasynyń basshysy Muqan Egizbaev, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń rektor ókili, professor doktor Jengız Tomar baıandama jasady.

8-14 sáýir aralyǵynda ótetin aptalyq barysynda Túrkııa memleketinen kelgen hırýrg, ýrolog, oftalmolog, plastıkalyq hırýrg, akýsher-gınekolog, balalar hırýrgi, anestezıolog-reanımatolog, LOR mamandary Túrkistan oblysyndaǵy naýqastardy qabyldap, em-dom kórsetip, qajetinshe tegin otalar jasalynatyn bolady. Shetelden kelgen kásibı mamandar Túpkictan qalalyq balalar aýrýhanasy men №3 oblystyq Perınataldyq ortalyqta jáne Túrkistan qalasyndaǵy klınıka-dıagnostıkalyq ortalyynda qabyldaý júrgizedi.

Túrkııa elinen kelgen Eýropa birlestigi jáne syrtqy ictep boıynsha «Túrkııa-Qazaqstan densaýlyq aptalyǵynyń» jaýapty top jetekshisi Arıf Chetın Halyqtyń densaýlyǵyna arnalǵan bul aptalyq baýyrlas Qazaqstanǵa, onyń ishinde Túrkistan jerine degen qurmet ekendigin jetkizdi.

«Qazaqstan - Túrkııa úshin qashanda baýyrlas, jaqyn el. Al Túrkistandy kúlli túrkııalyqtar Atajurt dep biledi. Sondyqtan osynda búıregimiz buryp turady. Bastaý alǵan «Túrkııa - Qazaqstan densaýlyq aptasy» osy óńirdegi turǵyndarǵa arnalyp otyr. Túrkııadaǵy eń úzdik dárigerler bul aptalyqta naýqastardy qabyldap, tegin em jasaıdy. Saraptamaǵa baılanysty aqysyz ota da jasalady. Aldaǵy ýaqytta bul aptalyqty ulǵaıtyp, bir aı kóleminde júrgizýdi josparlap otyrmyz», - dedi Arıf Chetın.

Sonymen qatar, Qoja Ahmet ıAsaýı ýnıversıteti medıtsına fakýltetiniń klınıkalyq bazasynda Túrkistan oblysynyń dárigerlerine «Radıologııa», «Shuǵyl kómek jáne TRIAJ júıesi» boıynsha semınar-trenıng, tájirıbe almasý sabaqtary ótip, nátıjesinde sertıfıkattar tabystalady.