Túrkistanda «Túrkistannyń tekti tulǵalary» kitabynyń tanystyrylymy ótti
El Táýelizdiginiń 30 jyldyǵyna arnalǵan «Tarıhı tulǵatanýǵa olja salǵan eńbek» atty is-sharany atalǵan kitaphana ujymy men Qoja Ahmet ıAsaýı atyndaǵy halyqaralyq qazaq-túrik ýnıversıtetiniń «Tarıh» kafedrasy uıymdastyrdy, dep habarlaıdy QazAqparat tilshisi.
Kitaptyń avtory – tarıh ǵylymdarynyń doktory, professor Tursun Hazretáli Mahanuly. Sonymen birge rýhanı keshte tarıhshynyń eńbekteri men zertteýleri toptastyrylǵan kitap kórmesi oqyrman nazaryna usynyldy.
Kitaptyń tanystyrylymyna belgili tarıhshylar men dintanýshylar, professorlar, zııaly qaýym ókilderi qatysty.
Atap aıtsaq, Dosaı Kenjetaı, Seıdýlla Sadyqov, Zikirııa Jandarbek, Muhtar Qoja, Bekjigit Serdaly, Serik Ydyrys jáne taǵy basqa el azamattary qatysty. Sonymen birge Túrkistan qalasynyń áıelder alqasynyń tóraıymy Uljan Ábenqyzy men Túrkistan oblysy ámbebap ǵylymı kitaphanasynyń dırektory Janat Shardarbekova da qatysyp, tarıhshynyń eńbegin joǵary baǵalady.
«Túrkistannyń tekti tulǵalary» atty kitabynda Túrkistannan shyqqan qaıratkerler men eldiń ardaqty azamattary týraly zertteýler engizilgen. Kitap jalpy oqyrman qaýymǵa arnalǵan.
