Túrkistanda túrki memleketteriniń múftıleri bas qosty

TÚRKІSTAN. QazAqparat - Túrkistanda «Islam órkenıetiniń damýyna túrki halyqtarynyń qosqan úlesi» taqyrybynda halyqaralyq ǵylymı-tájirıbelik konferentsııa ótip jatyr. Keleli basqosýda túrkitildes elderdiń ortaq muralaryn dáripteý men Ahmet ıAsaýı muralaryn nasıhattaý máseleleri talqyǵa tústi, dep habarlaıdy QazAqparat tilshisi.

Halyqaralyq konferentsııaǵa Túrki memleketteri uıymynyń Bas hatshysy Baǵdat Ámreev pen QR Aqparat jáne qoǵamdyq damý mınıstri Asqar Omarov, Túrkistan oblysynyń ákimi Ómirzaq Shókeev pen Halyqaralyq túrki akademııasynyń prezıdenti Darhan Qydyráli qatysyp jatyr.

Sonymen qatar, Túrki memleketteri uıymy aqsaqaldar keńesiniń múshesi Ikram Adyrbekuly men Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly shaqyrylǵan.

Jıynda Túrkııa Respýblıkasy Din isteri basqarmasynyń basshysy, Bas múftı Álı Erbash pen Kavkaz, Qyrǵyzstan, Ózbekstan musylmandary basqarmasynyń basshylary óz pikirin ortaǵa salyp jatyr.

Konferentsııada túrki dúnıesine ortaq Qorqyt ata, ıAsaýı, Máýlána, Náýáýı, Manas muralaryn dáripteý, Matýrıdı senim mektebi men Ábý Hanıfa mázhabyn halyqqa jetkizý máseleleri sóz boldy.

Dinı oqý-aǵartý salasy boıynsha birlesken jobalardy júzege asyrý, jahandyq syn-qaterge jaýap berýde musylman úmbetiniń ózara yntymaǵyn arttyrý jaıy ortaǵa salyndy.

Dinı merekelerdi bir kúnde atap ótý men ortaq pátýalar qabyldaý, destrýktıvti dinı aǵymdardyń teris úgit-nasıhat jumystaryna jol bermeý talqylandy.