Túrkistanda Túrki keńesi Túrki ýnıversıtetteri odaǵynyń IV Bas assambleıasy ótti
Bul mańyzdy basqosýǵa Túrkııa, Ázerbaıjan, Qyrǵyzstan, Ózbekstan, Vengrııa sııaqty 15-ten astam memleketten rektorlar, dıplomattar, halyqaralyq uıymdardyń ókilderi, ekspertter, ǵalymdar, stýdent jastar, qoǵam jáne mádenıet qaıratkerleri qatysty.
Aıta ketý kerek, Túrik ýnıversıtetteri odaǵynyń negizi Túrki Keńesi is-sharalary aıasynda 2013 jyly qalandy. Qazirgi tańda Ázerbaıjan, Qazaqstan, Qyrǵyzstan jáne Túrkııanyń jalpy sany 19 joǵary oqý orny atalmysh Odaqtyń múshesi bolyp tabylady.
Túrki keńesi Túrki ýnıversıtetteri odaǵynyń IV Bas assambleıasy májilisi Túrki Keńesiniń Bas tóraǵasy B.Ámireev, Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń Ókiletti Keńes tóraǵasy professor Mýsa Iyldyz jáne ýnıversıtet rektory professor Bolatbek Ábdirásilovtiń quttyqtaý sózinen keıin óz jumysyn bastady.
Májilis barysynda, Túrki Keńesi Túrik ýnıversıtetteri odaǵy aıasynda bilim jáne ǵylymnyń biryńǵaı jelilik keńistigin qalyptastyrý, «Rýhanı jańǵyrý», «Uly dalanyń jeti qyry» sııaqty rýhanı qundylyqtarǵa negizdelgen bilim berý baǵdarlamalarynyń úılesimdigin qamtamasyz etý, sondaı-aq, «Túrkistan protsesi» dep atalatyn joǵary bilim týraly dıplomdardy ózara tanýdyń ońtaılandyrylǵan mehanızmderin engizý týraly ınnovatsııalyq joba máseleleri talqylanady. Sonymen qatar pılottyq joba bolyp kelgen «Orhýn» akademııalyq baǵdarlamasyn keń kólemdi utqyrlyq baǵdarlamaǵa aınaldyrý jóninde naqty usynystar engizildi.
Jıynda sóz alǵan Túrki keńesi Bas hatshysy B. Ámreev «Túgel túrki jurtynyń rýhanı ortalyǵy, tórt qaqpaly Túrkistan qalasynda ótkizilip jatqan bul bastamalar múshe memleketter men barlyq túrki halyqtar úshin oń nátıjeler beredi dep oılaımyn. Túrki keńesi Túrki ýnıversıtetter odaǵynyń tórtinshi bas assambleıasy barysynda elderimiz úshin ońdy sheshimderge qol jetkizemiz dep úmittenemin», - dedi.
Májiliske qatysýshylar tarapynan «ulttyq shekaralarsyz sapany baqylaý» úlgisinde (álemdik akkredıtatsııalaý agenttikteriniń mysalynda) joǵary bilim berý sapasyn qamtamasyz etý jónindegi jalpytúrkilik akkredıtatsııalaý agenttigin qurý usynysy qoldaý tapty.
Sondaı-aq ýnıversıtet rektory B.Ábdirásilov «Bilim berý qyzmetteriniń sapa júıesin jaqsartý maqsatynda, keleshekte dúnıejúzilik trendterge sáıkes oqý úderisterin standarttaýǵa kepildik bola alatyn, joǵary oqý oryndarymyzdyń bedeliniń kúsheıýine septigin tıgizetin jalpytúriktik bilim keńistigine qyzmet etetin táýelsiz akkredıtteý agenttigin qurý kerek dep esepteımin», dep atap ótti.
Assambleıa otyrysynda sóz sóılegen halyqaralyq Elsevier kompanııasynyń Ortalyq Azııa jáne Ázerbaıjandaǵy aımaqtyq basshysy A.K. Ospanova jáne Túrkııa Respýblıkasy boıynsha ókili Aıhan Sarajoǵly oqý jáne ǵylymı jumystardyń sapasyn jaqsartý boıynsha JOO jáne memleketterdiń atqaryp otyrǵan áreketterin birlestirý arqyly Túrki áleminiń ýnıversıtetteriniń reıtıng dárejesin kóterý múmkindigi jáne osy baǵytta kompanııa tarapynan JOO áleýetin arttyrýǵa baǵyttalǵan qajetti qyzmetterdi kórsetýge daıyn ekenderin atap ótti.
IV Bas assambleıa májilisinde Túrkııanyń Kapadokııa ýnıversıtetiniń, Túrkııanyń Nıgde Ómer Halısdemır ýnıversıtetiniń, Túrkııanyń Gazı ýnıversıtetiniń, Ázerbaıjan memlekettik ekonomıka ýnıversıtetiniń jáne Vengrııanyń Segde ýnıversıtetiniń Túrki ýnıversıtetteri odaǵyna músheligi resmı túrde bekitildi.
Bıylǵy jyly Qoja Ahmet ıAsaýı atyndaǵy Halyqaralyq qazaq túrik ýnıversıteti Túrki ýnıversıtetteri odaǵynyń kezeń tóraǵasy bolyp tabylady.
Bas assambleıa is sharalary aıasynda Túrkistan oblysy ákimdigi men Qoja Ahmet ıAsaýı atyndaǵy qazaq-túrik ýnıversıtetiniń uıymdastyrýymen keshe saltanatty ashylýy bolǵan Túrki Keńesi Jas kóshbasshylarynyń ІІ Forýmy jáne Qazaqstanda jastar jylynyń jarııalanýyna baılanysty Túrki áleminiń mádenıet jáne óner festıvali joǵary dárejede ótti. Eki kún boıy qazaqtyń tól óneri - aıtys pen Túrki halyqtary jastarynyń mádenıet jáne óner festıvali túrkistandyqtardyń qulaq quryshyn qandyrdy.
