Túrkistanda túrki áleminiń sýretshileri bir kúnde 28 etıýd jasady
ShYMKENT. QazAqparat-Túrkistan - Túrki áleminiń mádenı astanasy» jyly aıasyndaǵy TÚRKSOI uıymyna múshe elder sýretshileriniń HH-shy pleneri kıeli Túrkistan qalasynda ótýde. Rýhanı qalada qylqalam sheberleri 28 etıýd jasap shyqty, dep habarlaıdy QazAqparat HAA tilshisi.
9 memlekettiń kásibı sýretshileri plenerde Qoja Ahmet ıAsaýı kesenesi mańynda kenep betinde maıly boýıamen keskindemelik shyǵarmalar saldy. Túrkistan qalasyndaǵy shyǵarmashylyq jumystar kórmesi 3 kúnge jalǵasady. Sýretshiler toby kesene aýmaǵy men qalanyń kórikti jerlerin syrly boıaý arqyly sýretteıtin bolady.
Arnaıy kestege sáıkes qylqalam sheberleriniń pleneri Otyrar aýdanyndaǵy Arystan bab kesenesi men tarıhı, mádenı eskertkishter jáne Han taǵy, Qarataý qoryǵy aýmaǵy, Báıdibek aýdanynyń Aqmeshit, Qostura aımaǵy men Qazyǵurt, Saıram-Ógem taý shatqaldary, Shymkent qalasynyń kórikti oryndarynda jalǵasyn tappaq. Al, aǵymdaǵy jyldyń 22 tamyzy kúni oblystyq Beıneleý óneri mýzeıiniń kórme zalynda plener barysynda salynǵan jumystardyń qorytyndy kórmesiniń ashylý saltanaty men marapattaý rásimi ótedi dep kútilýde.
