Túrkistanda týrıstik aımaq qurylady
TÚRKІSTAN. QazAqparat - Búgin Túrkistan oblysynyń ákimi Ómirzaq Shókeev jumys barysymen Túrkistan qalasyn aralady. Áýeli ol «Áziret Sultan» qoryq-murajaıy aımaǵy mańyndaǵy Ortaq eldi mekenine bardy. Onda óńir basshysy jańadan boı kóteretin týrıstik aımaqtyń jobasymen tanysty, dep habarlaıdy Túrkistan oblysy ákimdiginiń baspasóz qyzmeti.
«Áziret Sultan» qoryq-murajaıy aımaǵy mańyndaǵy Ortaq eldi mekeninen ıAsaýı kesenesi jaqsy kórinedi. Dál osy jerden jańa týrıstik aımaq salý qajet. Turǵyn úıler shyǵystyq úlgimen salynyp, bıiktigi 3 qabattan aspaıtyn bolady. Sondaı-aq, sol qalany qaq jaratyn ózen júrgizip, aınalasyna kólshikter jasaý kerek. Bul qaladaǵy ylǵaldylyqty arttyrady. Týrıster úshin arnaıy etnoaýyl da oryn tebetin bolady. Tıisti basqarmalarǵa qurylysty bastaý úshin arnaıy zertteý júrgizip, qujattamalaryn ázirleýdi tapsyramyn. Sonymen qatar, barlyq ınfraqurylym máseleleri sheshiletin bolýy tıis», - dedi Ómirzaq Estaıuly.
Budan soń oblysy ákimi Túrkistan qalasynyń kireberis qaqpasyna aıaldady. Onda aldaǵy ýaqytta qalanyń shyraıyn ashatyn ǵımarattar boı kóterý qajettigin aıtty.
«Túrkistan qalasynyń kireberis qaqpasy kórikti bolýy tıis. Oblys ortalyǵyna kelgen týrıster áýeli jańa qalany kórip, keıin kóne qalamen qaýyshýy qajet. Sol úshin qalanyń qaqpa tusynda zamanaýı ǵımarattar boı kóterýi kerek», - dedi oblys ákimi.
Sondaı-aq, oblys ortalyǵyndaǵy sapar aıasynda óńir basshysy qalany sýlandyrý júıesimen, jasyl jelek jumystarymen tanys bolyp, birqatar tapsyrmalar berdi.
Osyǵan deıin oblys ákimi Ómirzaq Shókeevtiń Túrkistandaǵy kóshelerdi keńeıtip, jańa avtobýstar júrgizý qajettigi týraly quzyrly organ ókilderine tapsyrma bergendigin jazdyq.
