Túrkistanda týrıster satyp alatyn buıymdar joq - Darhan Satybaldy
Búgin oblys ákimi Darhan Satybaldy Túrkistan qalasynyń turǵyndarymen kezdesip, atqarylyp jatqan jumystar týraly esep berdi. Jıynǵa qatysqan kópshilik qaladaǵy ózekti máselelerdi sóz etip, suraqtaryn qoıyp, usynystaryn aıtty. Qala turǵyny Janarkúl Meıirbekova bıznes jobalarǵa arnalǵan qaıtarymsyz grantqa bólingen kólemdi kóbeıtip berýdi surady. Bul máselege jaýap bergen Darhan Satybaldy týrısterge kerekti jobalardy kóptep jasaý kerektigin jetkizdi.
Rýhanı ortalyǵymyz Túrkistan dep otyrmyz. Qazaqstandaǵy týrıster eń kóp keletin qala. Kóp týrıster, kóp áriptesterimiz kelgen kezde «týrıster alatyn buıymdar joq» dep aıtady. Qoldan toqylǵan kilem joq deıdi. Sizderden sondaı jobalar bolsa, baǵdarlamadan bólek, jergilikti bıýdjetten arnaıy qarjy shyǵaryp berýge daıynmyn. Biraq, jobada týrısterge arnalǵan buıymdar bolý kerek
, - dedi oblys ákimi.
Jalpy, Túrkistanǵa shet elderden jáne elimizdiń aýmaqtarynan keletin týrısterdiń sany ósken. Túrkistan qalasyndaǵy halyqaralyq áýejaıdan byltyr Ystambýl jáne Kýveıt baǵytyna tikeleı reıster ashyldy. Qazan aıynda Abý-Dabıge tikeleı reıs ashylmaq. Máskeý, Antalıa, Tbılısı, Samarqand qalalaryna reıster ashýǵa Úkimetke usynys engizildi. Іshki baǵytta Astana men Almatyǵa reıster sany da kóbeıtilip otyr.
