Túrkistanda turǵyndardyń ormanǵa barýyna ýaqytsha tyıym salynbaq

TÚRKІSTAN. QazAqparat – Túrkistan oblysynda turǵyndardyń ormanǵa barýyna ýaqytsha tyıym salynýy múmkin.

Bul týraly oblys ákimi Ómirzaq Shókeevtiń tıisti qaýlysy «Ashyq» NQA saıtyna jarııalandy , dep habarlaıdy QazAqparat tilshisi.

«2022 jyldyń 25 shildesinen 1 qazanyna deıin jeke tulǵalardyń memlekettik orman qory aýmaǵynda bolýyna tyıym salynsyn. Bul aralyq ormandarda órt qaýipi joǵary kezeńder bolyp esepteledi», - delingen qaýlyda.

Qujatqa sáıkes, mundaı shara oblys aýmaǵyndaǵy orman alqaptarynda órt oqıǵalarynyń aldyn alý maqsatynda qabyldanyp otyr.

Aıta keteıik, taıaýda Túrkistan qalasynda jasandy kóli bar saıabaq ashyldy.