Túrkistanda turǵyn úı qurylysy 2,5 esege artty
TÚRKІSTAN. QazAqparat - Túrkistan qalasynda turǵyn úı qurylysy 2019 jylmen salystyrǵanda 2,5 ese artty, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Baspasóz qyzmetiniń málimetterine qaraǵanda, ákimshilik-iskerlik ortalyqta kópqabatty 89 turǵyn úıdiń qurylysy bıýdjet esebinen júrip jatyr. Aldaǵy ýaqytta alty myńdaı otbasy qonys toıyn toılaıdy.
Oblys ákimi Ómirzaq Shókeevtiń tóraǵalyǵymen ótken lezdemelik májilistiń kún tártibinde Túrkistan qalasyn damytý týraly Túrkistan qalasynyń ákimi Rashıd Aıýpovtyń baıandamasy tyńdaldy.
Ótken jylǵy pandemııaǵa qaramastan, Túrkistan kúrdeli jaǵdaıda bolsa da damyp keledi. Byltyrǵy jyldyń qalanyń mańyzdy áleýmettik-ekonomıkalyq damý kórsetkishteri oń sıpatqa ıe boldy. Jyl qorytyndysymen 336 páterlik 7 qabatty jeti turǵyn úıdiń qurylys-montaj jumystary aıaqtalyp, qabyldaýdan ótken. Barlyq úıler «Turǵyn úı qurylys jınaq banki» arqyly paıdalanýǵa berildi. Jeltoqsan aıynda jeti qabatty bes turǵyn úı paıdalanýǵa berilgen.
Kestege sáıkes, 12 kópqabatty turǵyn úı bıylǵy jyldyń sáýir aıyna deıin tolyq aıaqtalady. Qazir onda 500-deı jumysshy, 8 tehnıka jumys isteýde. Túrkistan qalasynyń ákimshilik iskerlik ortalyǵyndaǵa qalǵan 77 turǵyn úıdiń qurylysy 2021 jylǵa ótpeli.
