Túrkistanda «Turan» arnaıy ekonomıkalyq aımaǵy qurylady
Joba Memleket basshysynyń Túrkitildes elderdi biriktiretin arnaıy ekonomıkalyq aımaq qurý týraly tapsyrmasy aıasynda júzege aspaq.
«TURAN» AEA aýmaǵy 4 gektardy qurap, 6 qosalqy aımaqtan turady. Olar Tarıhı ortalyq, Ákimshilik-iskerlik ortalyq, Greenfield (Oranǵaı aýyly), Brownfield ónerkásiptik qosalqy aımaq (Kentaý qalasy) jáne Túrkistan qalasy men halyqaralyq áýejaı aýmaǵy.
Búgin Túrkistan oblysynyń ákimi Darhan Satybaldy mańyzdy jobany júzege asyrý barysyn talqylaý maqsatynda jaýapty sala basshylarynyń basyn qosty.
«Bizdiń basym baǵyttardyń biri – óndiris jáne jumys oryndaryn ashý. Osy baǵytta bar múmkindikti qarastyramyz. Bul rette Túrki memleketterinen de ınvestıtsııa tartýdyń mańyzy zor», – dedi óńir basshysy.
Aıta keteıik, Túrkitildes memleketter uıymyna múshe elderdiń Memleket basshylarynyń qatysýymen Samarqanda ótken sammıtte «TURAN» AEA qurý týraly Qazaqstan bastamasy barlyq músheler tarapynan qoldaý tapqan bolatyn. Negizgi maqsat – Túrkistan qalasyn jedeldete damytý jáne Túrkistan qalasynyń ınvestıtsııalyq áleýetin joǵarylatý.
