Túrkistanda tuńǵysh ret qazaq kúresinen «Turan Barysy» Azııa Kýbogy ótedi

ASTANA. QazAqparat - QazAqparat - 29 qazanda Túrkistan qalasynda tuńǵysh ret qazaq kúresinen «Turan Barysy» Azııa Kýbogy ótedi, dep habarlaıdy QazAqparat QR Mádenıet jáne sport mınıstrliginiń baspasóz qyzmetine silteme jasap.

Ulttyq sportty damytý maqsatynda ótetin dástúrli týrnırge Túrki memleketteri uıymynyń músheleri – Túrkııa, Túrikmenstan, Ózbekstan, Ázerbaıjan, Qyrǵyzstan, Majarstan jáne Qazaqstan balýandary qatysady.

Kýbok «komandalyq betpe-bet» olımpıadalyq júıesi boıynsha ótedi.

Balýandar 55, 60, 66, 74, 82, 90 kelige deıin jáne 90 keliden aýyr salmaq arasynda beldesetin bolady.

«Tikeleı efırdi Qazsport pen TRT Avaz telearnalarynan kóre alasyzdar»,-delingen habarlamada.