Túrkistanda tuńǵysh ret akvatlonnan jarys ótti
TÚRKІSTAN. QazAqparat – Túrkistandaǵy sý sporty kesheninde oblystyq sý sporty túrlerinen olımpıada rezerviniń mamandandyrylǵan balalar-jasóspirimder sport mektebiniń akvatlonnan ashyq birinshiligi ótti, dep habarlaıdy QazAqparat tilshisi.
Kıeli shaharda alǵash ret uıymdastyrylǵan júzý men qashyqtyqqa júgirý kezeńinen turatyn saıysqa ońtústik óńiri aımaǵynan 100-den astam jas jetkinshek qatysty.
Jarystyń ashylý saltanatynda bas tóreshi Lıýbov Beloýs pen sport kesheniniń meńgerýshisi Ǵalymjan Qudııarov sóz sóılep, sportshylarǵa sáttilik tiledi.
Oblys ortalyǵynda alǵash ret ótkizilgen sport alamanynda 2003 jáne 2010 jyldar aralyǵynda týǵan jasóspirimder baq synady. Jarys qorytyndysy júldegerler arnaıy medaldarmen marapattaldy.
Aıta keteıik, olımpıadalyq sport túri sanalatyn treatlonnan akvatlonnyń aıyrmashylyǵy – tek shaıtanarbamen saıys kezeńi engizilmegen.
