Túrkistanda trıatlonnan QR ashyq kýbogy bastaldy
TÚRKІSTAN. QazAqparat - Búgin Túrkistanda trıatlonnan Qazaqstannyń ashyq kýbogy bastaldy, dep habarlaıdy QazAqparat tilshisi.
Oblys ákimdiginiń qoldaýymen jáne QR trıatlon federatsııasynyń uıymdastyrýymen ótip jatqan jarys eki kúnge sozylady.
Atalǵan sporttan jarysqa qatysýshylar Prezıdent saıabaǵyndaǵy jasandy kólde júzýden bastap, B. Sattarhanov dańǵylymen velosıpedpen júrip ótti. Ary qaraı «Olımpık» sport keshenine deıin jetken veloshabandozdar qosymsha jaıaý júgirýden jarysty.
Atap óteıik, trıatlonnyń sprınt túrinde 750 metrge júzý, 20 shaqyrymdy velosıpedpen júrip ótý jáne 5 shaqyrymǵa júgirý normasyn oryndaý qajet.
Sportshylardyń tózimdiligi shyńdalatyn jarysta alǵashqy kúnniń jeńimpazdary anyqtaldy. Erler arasynda birinshi oryndy Almaty qalasynan Ánýar Turubaev ıelense, ekinshi oryn Egor Krýpııakovke buıyrdy (Almaty qalasy). Úshinshi oryndy Aleksandr Ten (Almaty qalasynan) qanaǵat tutty.
Al qyzdar arasynda birinshi oryndy Ekaterına Shabalına (Nur-Sultan qalasy), ekinshi oryndy ıÝlııa Ozerova (Almaty qalasy) ıelendi. Úshinshi oryn Darıa Bygkovaǵa (Qostanaı) buıyrdy.
Jeńimpazdardy oblys ákiminiń orynbasary Sáken Qalqamanov marapattap, quttyqtady.
Aıta keteıik, búgingi saıysqa 51 kásibı sportshy qatyssa, erteń proatletter men áýesqoı trıanlonshylardan 120 sportshy qatysady dep kútilýde.
