Túrkistanda toı jasaǵan áıel men toıhana ıesi jaýapqa tartylady
TÚRKІSTAN. QazAqparat - Tótenshe jaǵdaı kezinde toı jasaǵan eki azamatshaǵa qatysty hattama toltyryldy, dep habarlaıdy QazAqparat oblystyq polıtsııa departamentine silteme jasap.
Memleket basshysynyń qaýlysymen 16 naýryz ben 15 sáýir aralyǵynda respýblıkamyzda tótenshe jaǵdaı jarııalanǵan bolatyn. Osyǵan sáıkes Túrkistan oblysy polıtsııa departamentiniń polıtseıleri kúsheıtilgen rejımde qyzmet atqarýda. ıAǵnı kúndiz jáne túnde reıd júrgizip, tótenshe jaǵdaı kezindegi talaptardyń saqtalýyn qadaǵalaýda.
«Osyndaı kezekti reıd barysynda Túrkistan oblysyna qarasty aýyldardyń birindegi toıhanada jıyn ótkizilgeni anyqtaldy. Atalǵan jaıtqa baılanysty polıtseıler toıhana ıesi men toı ıesine QR Ákimshilik quqyq buzý kodeksiniń 476-baby «Tótenshe jaǵdaı rejımin buzý» boıynsha hattama toltyryldy. Sondaı-aq shara qabyldaý úshin qujattar qalalyq mamandandyrylǵan ákimshilik sotyna joldandy» delingen habarlamada.
Oblys polıtseıleri tótenshe jaǵdaı kezinde zań talaptaryna sáıkes áreket etip, múmkindiginshe saqtyq sharalaryn eskergen jón ekenin eskertedi.
