Túrkistanda «Tóle bı» telehıkaıasynyń tusaýkeser kórsetilimi anshlagpen ótti
TÚRKІSTAN. QazAqparat - Túrkistan oblysynyń bir jyldyǵy merekesi aıasynda «Tóle bı» telehıkaıasynyń tusaýkeseri ótti. Túrkistan qalasynda uıymdastyrylǵan telehıkaıanyń tusaýkeser kórsetilimi anshalagpen ótti, dep habarlaıdy QazAqparat tilshisi.
Q.A.ıAsaýı atyndaǵy HQTÝ Mádenıet ortalyǵynda ótken is-sharany Oblystyq mádenıet basqarmasynyń basshysy Nurdaýlet Isabek ashyp, oblysta kıno ónerine zor úles qosyp júrgen óner maıtalmandaryna alǵysyn bildirdi. «Tóle bı» tarıhı fılminiń tusaýkeseri elordamyz Nur-Sultan qalasynda joǵary deńgeıde ótkenin atap ótti.
«Bul «SAQ» kınostýdııasy men «Ońtústikfılm» KMM-niń birlesip túsirgen birinshi jáne sońǵy fılmi emes. Tek oblysymyzdyń maqtanyshtary ǵana emes, sonymen birge elimizdiń mádenıet salasyna, onyń ishinde kıno óneriniń tyń ıdeıalarymen jańasha damýyna úlken úles qosýda. Osyndaı jańa dúnıelermen kınofılmder qorjynyn toltyra berińizder»,- dedi basqarma basshysy.
Іs-sharaǵa sondaı-aq, QR Eńbek sińirgen qaıratkeri, «Qurmet» ordeniniń ıegeri, «Tóle bı» fılminiń kórkemdik jetekshisi Satybaldy Narymbetov pen telehıkaıanyń stsenarısi, jazýshy - Shoıbek Orynbaı, fılmniń bas rejısseri Batyrhan Dáýrenbekov, Tóle bı rólin somdaǵan - Saǵyndyq Jumadil, Tóle bıdiń jigit kezin somdaǵan talantty akter - Abzal Tólen, taǵy da basqa barlyq akterlar men túsirilim toby, «SAQ» kınostýdııasynyń shyǵarmashylyq ujymy qatysty. Kórsetilim sońynda basqarma basshysynyń orynbasary Asylhan Temirhanuly birqatar óner ıelerin oblystyq mádenıet basqarmasy basshysynyń alǵys hatymen marapattady. Kórermender jańadan jaryqqa shyqqan kórkem fılmdi erekshe yqylaspen tamashalap, tarqasty.
