Túrkistanda tilshiler arasynda shaǵyn fýtboldan respýblıkalyq týrnır bastaldy
TÚRKІSTAN. QazAqparat - Búgin Túrkistan qalasynda BAQ ókilderi arasynda shaǵyn fýtboldan «Jańarǵan Túrkistan» atty respýblıkalyq týrnır bastaldy. Bul týraly Óńirlik kommýnıkatsııalar qyzmetinen málim etti, dep habarlaıdy QazAqparat.
Túrkistan oblystyq Іshki saıasat basqarmasynyń uıymdastyrýymen ótip jatqan jarysqa Nur-Sultan, Almaty, Shymkent qalalary men Batys Qazaqstan, Jambyl, Qyzylorda, Almaty, Soltústik Qazaqstan jáne Túrkistan oblystarynyń jýrnalısterinen quralǵan 13 komanda qatysýda.
Týrnırdiń ashylýynda «Qazaq gazetteri» JShS bas dırektory Shámshıddın Pátteev, Túrkistan oblysy Іshki saıasat basqarmasynyń basshysy Beısenbaı Tájibaev sportshy qaýymǵa sáttilik tilep, ádil de qyzyqty oıyn ótetinine senim bildirdi.
Alǵashqy oıyndardan-aq saıystyń tartysty ótetini baıqalyp qaldy. Qalamy júırik jýrnalıster dop dodasyna saqadaı-saı daıyndyqpen kelgen.
Aıta keteıik, fýtbol jarysyna qyzyǵýshylyq bildirgen BAQ ókilderi «Rýhanı jańǵyrý» baǵdarlamasy aıasynda Túrkistan oblysynyń kıeli oryndaryn aralap, kóne Otyrar qalashyǵynyń shejireli tarıhymen tanysqan bolatyn. Sondaı-aq iri kásiporyndarda bolyp, Olımpıada jeńimpazy Bekzat Sattarhanovqa arnalǵan bokstan halyqaralyq týrnırdiń aqtyq máresine qatysty.
