Túrkistanda taýyq eti arzandady

TÚRKІSTAN. QazAqparat – Túrkistanda taýyq eti arzandady, Bul týraly QazAqparat Básekelestikti qorǵaý agenttigine silteme jasap habarlaıdy.

Túrkistan oblysynda taýyq eti baǵasynyń ósýi óńirde básekelestikti qorǵaý jáne damytý agenttiginiń aýmaqtyq departamentiniń taýyq etin óndirý men ótkizýdiń taýar naryǵyna monopolııaǵa qarsy taldaý júrgizýine sebep boldy. Belgili bolǵandaı, jyl basynan beri taýyqtyń san etiniń baǵasynyń ósýi 9% qurady. Baǵanyń eleýli ósý kórsetkishin eskere otyryp, monopolııaǵa qarsy departament «Infrastroı LTD» JShS is-áreketterinde óndiriletin ónimge monopolııalyq joǵary baǵalardy belgileý bóliginde ústem jaǵdaıdy teris paıdalanýdan kórinis tapqan básekelestik zańnamany buzý belgileriniń bolýy týraly habarlama jiberdi.

Qazirgi ýaqytta «Infrastroı LTD» JShS óndiriletin ónimniń satý baǵasyn burynǵy baǵaǵa deıin tómendetip, habarlamany oryndady.