Túrkistanda Táýelsizdiktiń 30 jyldyq merekesi halyqaralyq deńgeıde atalyp ótti
Іs-shara «Táýelsizdik – tiregim» horeografııalyq-sazdy teatrlandyrylǵan qoıylymymen ashyldy. Tarıhtan syr shertilip, jańa dáýirge qadam basqan Qazaqstannyń qaryshty qadamdary sahnalandy. Óńir basshysy Ómirzaq Shókeev egemendiktiń arqasynda qol jetken jetistikterge oı júgirtti.
«Táýelsizdiktiń 30 jylynda jańa Qazaqstannyń irgetasy qalanyp, jan-jaqty nyǵaıdy. Elbasy Nursultan Nazarbaevtyń basshylyǵymen memlekettik rámizderimiz belgilendi. Memlekettik, halyqtyq bılik júıesi qalyptasyp, ulttyq valıýtamyz aınalymǵa endi. Qarýly Kúshterimiz qurylyp, ulttyq qaýipsizdik salasy jańardy. Ata Zańymyz qabyldandy. Túrkistan oblysy qurylyp, Túrkistan qalasy óńir ortalyǵyna aınaldy. Bul oqıǵa – Táýelsizdiktiń jáne rýhanı jańǵyrýdyń eń baǵaly jeńisteriniń biregeıi edi. Túrkistan qalasy az ǵana ýaqytta kúlli Túrki dúnıesine tanylyp, túrkiler tórine aınaldy. Túrkitildes Memleketter basshylarynyń beıresmı Sammıtinde Túrkistan Túrki áleminiń mádenı-rýhanı astanasy dep jarııalandy. Táýelsizdigimiz, Qazaqstanymyz máńgilik bolsyn! Uly mereke qutty bolsyn!», – dedi Ómirzaq |Shókeev.
«Kongress Holl» kópsalaly kesheninde ótken merekelik jıynda kúı kúmbirlep, sanany sergitetin shyǵarmalar oryndaldy. Atap aıtsaq, Móldir Áýelbekova, Jiger Aýpbaev, Altynaı Jorabaeva bastaǵan qazaq estradasynyń tanymal ókilderi óner kórsetti. Túrki elderiniń rýhanı astanasynda baýyrlas halyqtardyń ónerpazdary da óz shashýlaryn ala kelgen eken. Tatarstan, Ázerbaıjan, Býrıatııa, Qyrǵyzstan, Ózbekstan, Túrkııa elderiniń estrada juldyzdary da qazaq jáne túrki elderi tilderinde án shyrqap, merekeni halyqaralyq deńgeıge kóterdi.
