Túrkistanda tártip buzǵan avtobýs júrgizýshileri anyqtaldy
TÚRKІSTAN. QazAqparat – Túrkistan oblysynda uıymdastyrylǵan «Avtobýs» jedel-profılaktıkalyq is-sharasy barysynda 1500-ge tarta jol qaýipsizdik erejesin buzý jaıttary tirkeldi.
Qoǵamdyq kólikterdiń júrgizýshileri zańsyz jolaýshylar tasymaldap, qujattaryn rettemegen bolyp shyqty, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, tártip saqshylary 10-17 qazan kúnderi aralyǵynda ótken reıd barysynda 70 avtobýstyń zańsyz qaıta jabdyqtalǵanyn anyqtady.
400 polıtsııa men jol ınspektsııasy qyzmetkeleri, prokýratýra jáne basqa da memlekettik, qoǵamdyq organdardyń ókilderi qatysqan sharada 17 zańsyz jolaýshy tasymaldaý jaıty tirkeldi.
Júrgizýshilerdiń 206 zańsyz jolaýshy men júksalǵyshtarmen júkterdi tasymaldaý jaıty, mindetti tehnıkalyq baıqaýdan ótpeýdiń 83 jaıty, reıs aldyndaǵy TQK jáne medıtsınalyq baıqaýdan ótpeýdiń 14 jaıty, azamattyq-quqyqtyq jaýapkershiliksiz avtokólikti basqarýdyń 20 deregi tirkeldi. Azamattyq-quqyqtyq jaýapkershiliksiz avtokólikti basqarýdyń 65 deregi belgili boldy.
Odan bólek patrýldik polıtseıler uıaly telefondy paıdalanǵany úshin 293 júrgizýshini, jyldamdyqty arttyrǵany úshin – 88 jáne manevr jasaý erejelerin buzǵany úshin – 131 kólik júrgizýshilerin ákimshilik jaýapkershilikke tartty
Sondaı-aq, jol qaýipsizdik erejelerin buzǵan memlekettik nómer alynǵan nemese aıyppul turaǵyna qamaýǵa alynǵan 41 transporttyq qurylǵyny, sondaı-aq 200 avtobýstyń elektr jabdyqtary men basqa da tehnıkalyq quraldardyń jaǵdaıyna sáıkestigi tekserildi.
